الشاعر عبد الله بن زويبن المعمري

مجاراة الشاعر / عبدالله زويبن المعمري
لبيت الشاعر/ بدر الحويفي

((لو كل ما ثارت عجاجه تحيزمت = تهت الطريق وكل عاير صدمته))

. يالبيض غنن للحويفي زغاريت =على البيوت اللي تليق بمقامه
2. لو كل ماأسمع لي لجاجه تعزويت = طمرت لي من راس جرف بعدامه
3. لو إن شطر البيت ماهو على البيت = لاكان وضحت الهدف من كلامه
4. إلليا نصحت قليّل العرف وأزريت = قل الدروب وسااع .. ومع السلامه
5. صدك تقل ماأوحيت لو إنك أوحيت = عن الرديه .. طيب ماهو رخامه
6. والله ماتندم عليها ألليا أقفيت = قفاي ذيب ٍ عن وليشة هلامه
7. لو الخطا وارد وأنا تهت وأخطيت = وحمّلت نفسي كبر سلمى ملامه
8. نزلت نفسي للردية ورديت = لو إن ردي مايمس الكرامه
9. والثوب الأبيض تقشبه نقطة الزيت = لو هي صغيرة فيه تبقى علامه
10. ياليتني عنها بكمي تذريت =وإلا بشبر ً من جنااح العمامه
11. وخليتها تبرى ركاب العفاريت =مع رقرق ٍ تذرى الهبايب رمامه
12. نطحتها شهب السهال السفاريت= وإن ماوسعتها نجد .. تضرب تهامه
13. تقدير للي ماتصاغوا مصانيت = العالم اللي ينقلون النمامه
14. وإلا لو المقصد كلام الشماميت = قدمي رجال المعرفه والفهامه
15. زلوا وأنا من عرض من زل زليت = كم واحد ٍ عض الأصابع ندامه
16. حتى الشراري قبلنا قال ياليت = رقبتي أطول من رقبة النعامه

الله الله على قوة المعاني و جزالة القصيدة

صح لسان ابو بندر الشاعر الكبير/ عبد الله بن زويبن

و مشكور على النقل

شاعر كبير له باع بالشعر الله يطول بعمره على الطاعه
وسلمت يمناك على النقل يالغالي

شاكر مروركم الكريم

الاخ /حسين المعمري

شكراًعلى هذا النقل الرائع لقصيدة القامه الشعرية.. الشاعر/عبدالله بن زويبن المعمري

وتقبل تحياتي

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

لو كل ماأسمع لي لجاجه تعزويـت=طمرت لي مـن راس جـرف بعدامـه
لو إن شطر البيت ماهو على البيت=لاكان وضحـت الهـدف مـن كلامـه
ياسلام عليك يابو بندر مدخل رهيب لايجيده سوا العمالقه امثالك
حتى الشراري قبلنا قـال ياليـت=رقبتـي أطـول مـن رقبـة النعامـه
هذا المثل دارج بين الناس ولكن لم أعرف انه للشراري الا من بيت شاعرنا الكبير ابو بندر
صح لسانك ولسانه
ولك جزيل الشكر والتقدير ياحسين

	المشاركة الأصلية كتبت بواسطة راجح الغيداني

	الاخ /حسين المعمري شكراًعلى هذا النقل الرائع لقصيدة القامه الشعرية.. الشاعر/عبدالله بن زويبن المعمري وتقبل تحياتي

حياك الله
شاكر مرورك

	المشاركة الأصلية كتبت بواسطة الحب الباقي

	الله يـعـطـيـك الـعـافيـــــــــــة على الاخـــتيار المــوفــق وصح لسان قايلها وناقلها بيض الله وجهك

صح بدنك
وجهك ابيض

	المشاركة الأصلية كتبت بواسطة حمود الغيداني

	لو كل ماأسمع لي لجاجه تعزويـت=طمرت لي مـن راس جـرف بعدامـه لو إن شطر البيت ماهو على البيت=لاكان وضحـت الهـدف مـن كلامـه ياسلام عليك يابو بدر مدخل رهيب لايجيده سوا العمالقه امثالك حتى الشراري قبلنا قـال ياليـت=رقبتـي أطـول مـن رقبـة النعامـه هذا المثل دارج بين الناس ولكن لم أعرف انه للشراري الا من بيت شاعرنا الكبير ابو بدر صح لسانك ولسانه ولك جزيل الشكر والتقدير يامنصور

حياك الله
شاكر مرورك
سوا حسين او منصور الغادي بين الاخوان مدّل