ҳ̸Ҳ̸ҳمرادة بين الشاعر غانم السليمي ومشعل السليمي ҳ̸Ҳ̸ҳ كتابية :: صوتية ҳ̸Ҳ̸ҳ

اسعد الله صباحكم - مسائكم بكل خير مشرفي واعضاء ملتقى قبيلة حرب الرسمي الأكارم
يسعدني التواجد بينكم ابناء عمومتي الأعزاء
اشكر جميع القائمين على هذا الصرح الشامخ برجالاته
وارجو ان تقبلو هذا الموضوع كعربون صداقة
هذه المرادة بين شاعران كبيران
والـــــــدي غانم السليمي الحربي اطال الله في عمره
و
الشاعر مشعل بن سعد السليمي الحربي اطال الله في عمره
ҳ̸Ҳ̸ҳ مناسبة القصيده ҳ̸Ҳ̸ҳ
عندما تــم تعيين شاعرنا مشعل بن سعد مدرس في مدينة الجبيل الصناعية , انضم الى مخيمات حرب في مدينة الجبيل الصناعية وكانت تجمعه علاقة وطيدة وصحبة كبيرة معي عمي دباس بن ثاري السليمي الحربي( رحمة الله واسكنة فسيح جناته )
وفي احد الأجازات أصر والدي ان يكتب له قصيده ويرسلها مع عمي دباس الى الجبيل

ҳ̸Ҳ̸ҳقصيـــــدة والــــدي الشاعر غانم السليمي ҳ̸Ҳ̸ҳ

يابوسعد علمك وصلني مع دباس = انك على ماقيل رجال محسوب
ماهي غريبة حيثكم ناس من ناس = تاريخهم كن الذهب منه مصبوب
ذكرتني وقت مضى راح يادباس = سوالف حلوة على وجار مشبوب
متجمعين كنهم جوهر الماس = مافيهم اللي تضربة باي عذروب
عدوهم دايم مرده للأفلاس = يرجع كما ذيب على الخشم مضروب
وان كان تنشد يالبناخي فلاباس = مرتاح لاطالب ولاني بمطلوب
اليا بغت رجلي بعيدات الأرماس = ماردها وارقى على كل مرقوب
ياماسهرت الشعر سجه وهوجاس = متقمصن شخصية انسان منكوب
اقطف واقدم له من الفكر بأحساس = كني محامي والقضا منه مطلوب
صرت اكتب المعنى بدقة وبقياس = مثل الجواهر مابها بيت مشطوب
مالي دخل لكن تلولست لولاس = تقدر تقول انه مقدر ومكتوب
شفت الخيال اللي تسولف به الناس = يامارسمنا في مظلاته قلوب
ياما عزفنا له ربابة ومرواس = قلب العنا يلعب هجيني ومسحوب
واختامها مني تحية بقرطاس = والحق عليا قبل لااحج واتوب

ҳ̸Ҳ̸ҳ رد الشاعر الكبير مشعل بن سعد النامي السليمي ҳ̸Ҳ̸ҳ

يامرحبا ترحيبة ترفع الراس = بدباس والخط الذي معه مجيوب
ترحيبة ماهي تماليق هلاس = بالصاحب الي ينظم الشعر باسلوب
حيه على ماقد نسنس الفجر نسناس = وحي البيوت اللي كما صافي الذوب
ابيات ابوسامي بناها على ساس = واختارها فكره حشا مابها عيوب
من هيض جاشه سطر بطرس كراس = اخذ على نظم الطواريق ملعوب
اخذ على كيفة القاف مرواس = يرمز على اللي داخل القلب محجوب
وانا اعرفه لاصار للحبل مساس = ربعه لكان الكون حاضرهم ينوب
لاجا نهار فيه الأرياق يباس = اهل المليحا دارهم دوم مهيوب
من دون حمر كنها حمر الأطعاس = كم شيخ قوم كان مامات مبسوب
وغانم من اهل العرف فاهم وحساس = ياقف ليا جاله مع الربع ماجوب
لايحسب النشده طريقة تجساس = على الجماعة ماني مفتح دروب
انشد عن اهل الطيب واكب الأنجاس = وافخر لياصارو هل الراية حروب
لايدخله شكة ولايدخله ياس = كان الربابه فوقه القوس مجذوب
لليل مدماس وللبحر غطاس = وللسيف سياف وللشعر منصوب
وللخيل خيالا على قب الأفراس = لاصار حبلا بين الأجناب مكروب
وللبرق خيالا وللبر عساس = وللقوم سبارا وللفعل وبالفعل منسوب
والشعر فيه اشكال وانواع واجناس = وكلن على قده من الخام له ثوب
احد يجي شعره تقل سم نداس = واحدن يجي شعره مكمل ومنتوب
واحد يجي شعره تقل حد الأمواس = لاصار بالميدان غالب ومغلوب
واحد قصيده مثل من يطبخ الفاس = لاكاسبا حسنة ولاقاضيا نوب
واحد كسب بالعرف والشعر نوماس = مثل العسل والسمن بالكاس مسكوب
ولاهو محرم في حديث ابن عباس = إلا القبيح وطيب الشعر مرغوب
والعذر منا كان ميزانا هاس = حنا ترا بالشعر يادوب يادوب

ҳ̸Ҳ̸ҳ المرادة صوتيا ҳ̸Ҳ̸ҳ
لتحميل المرادة ::اظغط هنا ::
تحياتي وتقديري
عـــــــــزوة ولد سليم

صحت ألسنت الشعراء وسلمت يمينك ياعزوة ولد سليم ...

نتطلع الى جديدك ...

أوركيدا ...

صح لسانك ولسان الشعراء

ولكن سؤال اين مشعل السليمي عن المحاورات وهو شاعر جزل انا سامع له محاوراة كثير
سلملي عليه وان كان عنده نية اعتزال تراء ماتسمح له قبيلته

عزوة ولد سليم

بيض الله وجهك

قصائد رااائعه صح الله السنتهم وبيض الله وجيههم

ويعطيك العافيه

تقبل اجمل التحايا

صح السانك والسنة الشعار

نقل رائع كروعة حضورك


لاهنت

بيض الله وجهك