فلاح بن صياف ... و ... نامي السلمي

يسعدني أن انقل لكم هذه المحاورة التي
جرت بين الشاعرين نامي السلمي وفلاح
صياف الحربي...

على الطريق المعتبـر والمعتبـر خيـر الـدروب=يا مرحبـا باللـي لفـا علـى الطريـق المعتبـر
إن كان لك وجهة نظر ياللي تزعّمـت الحـروب=هات الوفا واخذ الوفا وانـا معـي وجهـة نظـر
السابر الي كد سبر وافـي ويقضـي كـل نـوب=دام البقا بأهل الصفا والسابـر الـي كـد سبـر
ان كان تؤمن بالقدر من شـام ولا مـن جنـوب=اللي مضى منا كفـى لـن كـان تؤمـن بالقـدر
خابرك في راسك ظفر لن شبّت النيـرة شبـوب=خلك على راس الشفا ما دام فـي راسـك ظفـر
ما شفت علم ولا خبر وانته من اصحاب الوجوب=الوصْل اخير من الجفا ياللي تبـي علـم وخبـر
ماخاف من جوع وفقر والخير في ديس الحلـوب=ماشب ضوه لا طفا من خاف من جـوع وغـدر
ازرع ثمر واحصد ثمر و البني طوبٍ فوق طـوب=ياللي تبي معك احلفا ازرع ثمـر واحصـد ثمـر
اللي معه عزم وصبر ما هو على الضيق امغصوب=درّ المنيحة ما صفا ياللـي معـك عـزم وصبـر
البيت مبني من حجر ما حرّكـه صفـق الهبـوب=ظله من السابق ضفا والساس مبني مـن حجـر
اصحا تلقيـه النحـر الصخـر قاسـي مايـذوب=في وجـه والا فـي قفـا احـذر تلقيـه النحـر
اللي معه عودٍ عجـر لا ينطـح كبـار الجنـوب=امـا رجـع ولا هفـا اللـي معـه عـودٍ عجـر
الثوب لا منه شمر يا صاحبـي مـا هـو بثـوب=وانتم رياجيـل اعرفـا مـا تلبسونـه لا شمـر
ياللي تعشقون البحـر لا تحسبـون انـه يـروب=في برد والا في دفـا خلّـك قريـب مـن البحـر
بكرة ليـا طـاح المطـر يجيـك زراع الحبـوب=افرق لويفي عـن لفـا لا جـاك همـال المطـر
اللي تلبـس لـه كمـر ماعـاد ياثـق بالجيـوب=شريف من ناس اشرفـا ياللـي تلبسـت الكمـر
النو خيّل من عصر وامطر علـى كـل الشعـوب=والنور شاهد واختفى يوم المطـر خيّـل عصـر
في سر والا في جهر مالك عن الواقـع هـروب=انهج طريق المصطفى في سر وايضا فـي جهـر
رافع شعارك يالنصر لـو سـارت الدنيـا قلـوب=وامشي على الرمضا حفا وارفع شعارك يالنصـر
المـوت قصـاف العمـر والادمـي كلـه ذنـوب=ان كان ربك ماعفا لا بـد مـن قصـف العمـر

من خلال هذه المحاورة ومن خلال متابعتي لمحاورات
عديدة لنجمنا فلاح صياف ، يتضح للمتابع أن هذا الشاعر
يحمل من ابوه الشئ الكثير ..
فهو مبدع دائما واين ما حل..

منقول

تسلم علا النقل ياحميدان الوفي ولك شكري وتقديري

بيض الله وجهك يابو ناصر



محااااوره قمه وفعلا فيها من محاورات ابوه الله يرحمه


نتمنى التوفيق وكذلك الدعم المعنوي من أبناء القبيلة

لاهنت يابو ناصر على هذا الاختيار صح لسان شاعرنا الجزل فلاح بن صياف السحيمي وصح لسان زميله نامي السلمي ومحاوره جزله بكل ماتحويه هذه الكلمه من معنى سلمت ودمت وتقبل صدق ودي وتقديري

	بيض الله وجهك يا حميدان صحت السنتهم

تسلم على النقل

تسلم استاذنا القدير//حميدان العوفي

على نقل الطيب والجزل لشاعرنا القدير فلاح ابن صياف

الله يبيض وجهك