الا يالحربى اقرب هنا والجود بالجـود

فـارس الحـرف=
الا يالحربى اقرب هنا والجود بالجـود=وانا خابرك حربى مضـرا بالزعامـه
طرقت الباب والياك غايب منت موجود=وهالحينه بعد جيت كم تدفـع غرامـه
ابوفياض النويمي=
ولا ياعميلي لايثـور اليـوم بـارود=والى منك تعزويت بتحصلـه نشامـه
وانا ماني سوات اللي عن الناس مفقود=تقوله ياولـد بعـد جاتـك هالعمامـه
فـارس الحـرف=
اقول ونعم ياحرب ياهل الطيب والزود=يقوله من يعد الحقايـق فـى كلامـه
انا وياك والسالفـه حـاوى ومـردود=لا تلحقنى ملامـه وتلحقـك الملامـه
ابوفياض النويمي=
ماعلى اهل المعرفه وراع الطيبـه زود=وكلأ نجدته ياصحيبـي مـن حزامـه
الا ياصاحبي لا للسوالف قـن وحـدود=نعرف اهل الشداد ونعرف الهل المسامه
فـارس الحـرف=
خطابك يالحريرى قراه العم لحـود=ترا بعض الخطابه كما يوم القيامـه
انا ماقول لك bad ولا اقولك good=....اقول ان التهامى لهالحين ابتهامه
ابوفياض النويمي=
تحسب انك تصيد النشامه وانت مصيود=اقول الصقر مايشبه فـروخ النعامـه
نويت اقراء عليك الحشر والتوبه وهود=بعدها ماتصلـي بـلا اذانـن واقامـه

ياسلام

شعارنا الرائعين

فارس الحرف وابوفياض النويمي

بيض الله وجيهكم وصح الله السنتكم

ويعطيك العافيه اخي بن فرهود الحربي

واشكر جهودك المفيده

بارك الله فيك

تقبل تحياتي

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك