ديوان الشاعر... فواز الزويهري

زمالة شعراء ملتقى قبيلة حرب في حفل زفاف الأخ الغالي يوسف الأحمدي
نظم الشاعر / فواز بن محسن الزويهري العزيري الحربي

سلام يالقصر المشيد بالمبادي والكرامه=ساسه فحرب وأحمديَ الركن مرفوع مقامه
جينا نبارك في محل الطيب ورجال الشهامه=والله يتمم سعدكم بالود والخير الجزيل
هذا زمان (ن) فيه شبانه ترجوا من غمامه=شربوا صبر واللي بلا صبر استدانه من غرامه
هذا الغلا يهل المفاكر عقل شعيل بخطامه=والمقصد العفه وكيف نخفف الحمل الثقيل

.
....................

الرد من عرابي القريقري و الشاعر حمدان الحمراني ( خيال الشمال)
والشاعر الشاكر أبو سامي

يامرحبا ترحيب يارجال المعزة والكرامه=كسابة الطالات والمعروف ماتخلف نظامه
جيتم على سبل الوفا والحر مايرخي حزامه=والله يبارك فالرجال اللي يعرفون الدليل
اللي يخيَل للحيا لابد ما يبلغ مرامه=ولابد تفرج لو يشن الوقت ويخيم عسامه
وشعيل يشتال الحمول ولا يثني في عظامه=واللي على المنهاج يمشي لا يحيل ولا يميل

لهيب النار في صدري حرق قلبي وزاد النار =وليف كل مايطري عليه أبكي من ذكره
ألا ياليت دمع العين يطفي لوعت المحتار =تزيد النار من دمع (ن)على خدين محتره
سقاني قايد الغزلان كاس (ن) كلبوه أمرار =على ظنه سقا سكر جويهل تنقصه خبره
صغير السن دوب الغصن مايل من روى الأثمار =طري الكف ظامر خصر قلبي طايع لأمره
خشيف الريم في عينه ورود الفل والأزهار = رشيق القد له مبسم توقد موقد الجمره
وريح المسك منه يفوح وريح الطيب وسط الدار =أجيه فصرمدي الليل يجيني مقبل بقمره
سليم النطق عذب الحرف وحرفه يطلع معيار=ليا منه مشى بالأرض أشوف الأرض مزدهره
سكن قلبي وسكني بداخل قلبه بمقدار= نظرني في يديه ألماس وهو عندي كما الدره
أنا لجل أرتقيبه فوق أسافر وأتبع الأمطار=أصبح دار وأترك دار أنا اللي فادي بعمره
غريب الدار في دار نبوت رياضها الصبار =ولا نسنس نسيم الصبح أقاسي من لظى حره
كبود ( البل )لو تصبر(عُشُر) صبري تراها افطار =وفلك البحر لو يحمل (عُشُر) ما احمل هوى فبحره
أجر الآه تلو الآه صبرت وضاقت الأقدار =وأنا راضي بحكم الله وربي صاحب القدره
يبدل ظلمت الأحزان إلى سعد وفرح وأنوار =طلبتك يا إلاهي العفو والرحمات والدبره
وأنا اصلي وأنا اسلم على أحمد سيدي المختار =عدد ما تنبت الأشجار وما فالتين من بذره
وعدد ما الريش فوق البيض سار ودون الأشعار =وعلى آله وصبحه ومسلم (ن) ساير على بره

	المشاركة الأصلية كتبت بواسطة فواز الزويهري

	بسم الله الرحمن الرحيم بعد الإشاعة الغريبة والإحتيال المضحك وبعد سقوط أثنان من الزملاء في هذا الإحتيال كتبة هذه القصيدة الهزلية وألقيتها في مناسبة خاصة جمعت جميع الزملاء وإليكم القصيدة أرجو أن تنال استحسانكم قام حضك يامكينة سنجوار = بعد ماكنتي وبال (ن) للعجوز بعد ماكنتي شعار للفقار=صار راع ( الحوت ) لديارك يجوز في حشاكِ قالوا كنوز الدمار =مطلب الإيراني في راس الدزوز ( المكر ) فوقك ما عاد اليوم دار=سلعة التاجر وحظه بك يفوز صار يطلب يدكِ هامور العقار= يشتريك ويقتنيك ولك يحوز سوق سودا كلها حصني وفار =وشعب غافل أو مغفل ما يجوز أمس الأسهم صيًرتهم في بوار =وقبلها علم البطايق له بروز والعشيه للمكاين علم صار =صدق ... لوقالو ( ذهب في وسط لوز ) تمشي الكذبة علينا بعتبار =عقلنا .. وعقل ( الحجل) مابه فروز ثورة البارود مصدرها شرار=وانهيار المجتمع فكر المعوز كان ما تغدي يمين وفي يسار =ماتحصل من فنى الدنيا خروز كل مال (ن) معترض شبه وقمار = غير ورث(ن) جابلك قصر (ن) و روز

...............

	المشاركة الأصلية كتبت بواسطة فواز الزويهري

	" " " " " أسعد الله مسائكم بكل خير أحبتي الأعزاء إليكم هذه الأبيات التي أضعها بين يديكم أرجوا أن تحوز على رضاكم واستحسانكم الشمس تشرق ونور الصبح من نوره=محلا نسيم الصباح اللي يحركني الجوري والفل والريحان وزهوره =تسلب فؤادي وعين الريم تذبحني ياريم مال الخطى فالود محظوره=ماتدري إنك بشرع الود تحكمني ياريم صرح الكبر لا تبتني سوره=ابني صروح الوصال إكنت تسمعني ياناعس الطرف والخدين منشوره=فيها عروق الدما بالحسن تسْحرني اكسور قلبي ترا باللطف مجبوره =والطب عندك ...واشوف اليوم تجرحني جرحني البعد والأيام منظوره =في كل لحظه أقول الله يقربني قلوب في بعدها بالحيل مسروره =وقلوب في بعدها دايم تعذبني عذبتني يابديع العين والصوره=واحرقت قلبي ... طبيعي يوم تحرقني هذي جزاتي ... وآلآم القلب مستوره=خلاص ! ... ناوي مابين الناس تفضحني ؟! ماهمني قبلي العشاق مقبوره =لكن أبا اوصيك بعد الموت تذكرني وللجميع خالص التقير

..............

	المشاركة الأصلية كتبت بواسطة فواز الزويهري

	. . . . . . قالت أفداك بعيوني ياودادي =قلت ياروحي أنا كلي فداك دمكِ اللي في عروقك ورد وكادي=ياشروق الشمس في هيئة ملاك يانسيم الصبح ياسعدي وجودي=ما من الأريام والله في حلاك مبسمك توت (ن) حمر حجم النقودي=يانحيل القد ماقلبي نساك أذكرك لو كنت في وسط النفودي=منقطع دربي ترا مناتي أراك ياعيون الضبي ياترف الخدودي =ياطري الكف يأسرني سناك لا لمعلي ضو ثغرك قلت سودي=قلبي المجنون من عشقه ولاك كيف ما يتبعك يالغيث الرعودي=ياسحاب (ن) تربع الجدبا بماك ياجديد الجيل يالضبي الشرودي= يتعب الصياد من سرعة عداك منت صيد الذيب وعيال الفهودي=ولا تلين لكل قلب ما عناك طيب الأخلاق شامان الجدودي=الكرم والطيب يسعى في رضاك لو نظمت حروف شعري بالورودي=مايوفي الورد شي (ن) من غلاك

.................

	المشاركة الأصلية كتبت بواسطة فواز الزويهري

	الشعر يهل الشعر ماهو سواليف=ولاكل من غنا بقاف اهتنابه ويلاه ياقلب حدته الصواديف =في ديرة الأجناب عقل ركابه سر يانديبي وسط زين التواصيف=ألفين وتسعه في حشاه الرحابه مكينته من دون حس وتفاتيف=مركوب للباشات كله غرابه اسمه على لساني محرف تحاريف=في ديرة الألمان ( ميدن ) جنابه أوصل ديار العز وأهل التشاريف=أهل الحرم وقت الشدايد ذيابه فقيرهم لضيف يكلف تكاليف =مابالك اللي فالمعارض حسابه ثم قلهم فواز صيد المهايف=الكلب والحصني والأفعى صحابه ويبقى من أهل الجود قوم مضاريف = لكنهم قله ... لراسي عصابه السيل فالوادي يعقب تجاريف=كيف اعدل المجرى وأرحل سحابه وأنا غريب الدار ولالي صواريف=وأُثر المعزب مايروي شرابه عودت أعذر من قليل المحاريف =اللي هجير الصيف يتبع سرابه الحر مايتبع كثير التزاييف=يصيد بالمخلاب صيد (ن) هوابه ولو يطعم الصقار صقره تناتيف =يموت من جوعه قليل المهابه وأنا عريب الجد راعي صواليف =ماهمني النهاب يوم النهابه أجيب حقي وفوق حقي نوازيف = عروق خصمي لا زمانه شقابه ريبال مايرضى يعيش التطاريف=أمد يدي طيب ولا نشابه وأهجر ديار (ن) ناكره للمذاريف=لو يذرف العقرب تغيض الزرابه مايزهر الوادي ولابه معاليف=وإن مره الراعي يسارع ذهابه ياوجد روحي ياهلي للمواليف=مدري متى فواز يقرب إيابه جف القلم والقلب يملي التآليف=والحرف مايوفى معاني كتابه

........................

	المشاركة الأصلية كتبت بواسطة فواز الزويهري

	الأخوة الأعزاء يسعدني أن أشارك بهذه القصيدة وأرجو أن تنال رضاكم واستحسانكم القصيدة صوتية غروب الشمس قلبي سارعني =وأنا من دون قلب الليل كله غشاني مع ظلام الليل حزني=توسدت الهوم وكل عله أجر الآه تلوا الآه كني=على المحماس يصلوني لدله ويوم أصبح شعاع الصبح... وني=هذاك القلب من حملٍ يقله لفاني يجر خطوات التأني=وأنا في لهفته وانظر محله ( شقاوي ) من رقيق الحس جني=أثاري قلبي راح ليم خله نهرته... وإن قلبي ..ضاق مني =يقول : قليب في صدرك تذله!!! نسيت إنك عليَه ذا تجني =وسيف القطع ماتهقى و تسله وهجر الترف يالصاحب ذبحني=حرام الهجر والله فكل مله بعيد الدار ما فكرت تدني=وخلي لا ذكرك الدمع هله وقلت البعد ياقلبي حرقني=وحبل الوصل مافكرت احله ولا ياقلب فيه لا تظني=أنا اللي لا يبس عود (ن) أبله أنا اللي في وداده دوم أغني =وأنا اللي جارهم ياقلب أجله ( تخيل ) خلي من خلفي طعني=ترا مايشوف مني ذكر زله ( تخيل ) خلي من كبره هجرني= ترا ياقلب ذكره مانمله ولكن الحقيقه دوم يبني=صروح الوصل واسكني بفله ضلوعه سورها وطيبه سحرني=كساني من وفاه اليوم حله

....................

	المشاركة الأصلية كتبت بواسطة فواز الزويهري

	" " " يابنت ياللي رجالك ِ صابهم هين=عينك عليهم وزفري اليوم ونه يابنت مالك بين ألأموات تمكين=أبكي .. ونوحي .. وحني للعز حنه في ما مضى كني عروس السراحين=واليوم شن الثعلب ... الذل شنه أحسن أسد فينا شجب فالدواوين=و أرسل أطبا والمعونات منه والبعض منا عفربان (ن) براسين=خايف يدوسه ثعلب الغرب ( ظنه) يابنت نوحي واسبلي الدمع دمعين=مالك جدا فاللي يحرَق في بنه يابنت ياللي لقبوك بفلسطين=صبرك على اللي سيف عزك يسنه بامر الذي دكدك عروش السلاطين=يخسى اليهودي ونار حقده يكنه أنت عزيزه عزك بعزة الدين=ويصحى عشيقك لك وتهوج جنه عاشق يرد المجد في يوم حطين=يرقص على صوت الكلاشي ودنه دمه مهركِ واعرفي له خيارين=نصر (ن) عزيز أو فوز بنهار جنه

......................

أسعد الله أوقاتكم بكل خير


وإليكم هذه المراسلة أرجوا أن تنال استحسانكم ورضاكم


الشاعر عيد بن صميدان المطيري

يامرحبا ترحيبة تشرح البال=واللي حضر في حفلنا ياهلابه
أعداد مايسكن من المزن همال=واعداد ماخط القلم بالكتابه
ربعي هل الطاله ماضين الأفعال=مطوعين الصعب يوم الحرابه
كم شيخ قوم طوحوبه من الجال=وطشوا جزامه والفشق والعصابه
في معتلجهن طاح والدم شلال=وعشوه عقبان الخلا والذيابه
عزيز تحكيلك عن أفعال الأبطال=سوات نصر حين عهد الصحابه
جدي فدا خاله بعشرين رجال =والبارق اللي فاول الكون جابه
خلا لهن فالقاع مجزر ومقيال=عامين والدم الحمر في ترابه
ماكن جا من رايح الصيف هجال=ولكن جاه من المناشي سحابه
عضامهم في جازي السيل نحال=وروس النشامه ماليات الزرابه

الرد من الشاعر / فواز بن محسن الزويهري الحربي

جانا جواب الشاعر اللي بلأمثال=ونقول تبقى يامجود نصابه
من راس حربي له منزل ومدهال=في نايف ماكل واحد هقابه
ربعي هل المنصى على طيب الفال=كم بكرة لضيف تذبح رحابه
وكم شيخ قوم راح في شرب فنجال=في يدين ربعي لازمانه غدابه
الورع منا يرعب القوم لاصال=وفرساننا أجلت سراحين غابه
وناخذ ضريبه على كل محمال=المحمل اللي كل قوم تهابه
ولا الشريف اللي نثر طايل المال =وده يفوز بحريب واخطا صوابه
واليوم كل ريح الفكر والبال=افحكم شرع الله صفاله شرابه
في دولة ابن سعود كل الجهل زال=وكل القبايل تحت حكمه صحابه
والكل ربعه عنده نجوم وجبال= هذا كلام ابن الحروب فخطابه

center]أسعد الله صباحكم ومسائكم بكل خير
أضع بين يديكم هذه القصيدة
أرجو أن تنال القبول والرضى [/center]

ألا ياطير طارت من مطيره = هقاوي السعد ياطير الحمامه
أنا في دار وأنت وسط ديره =عسى تصحبك ياطير السلامه
بعد فكرت أعقلك بذخيره =تراجعت وتوقعت الندامه
كسير القلب ماله من جبيره = يون فصحو وأيضا في منامه
قليبي أزعج العالم غريره= تعلق في ضلوعي من غرامه
قلوب الناس من وجهي كسيره = على الحمى دموعي كالغمامه
يفوح الوجه من حر الضريره =على شوق الذي صوب سهامه
جرحني جروح فالمقتل خطيره = ألا ياليتني مت بتهامه
وهو فأرض الحجاز أدرج مسيره = ألا ياليت ما شفت أبتسامه
سقاني السم وأنا وسط حيره = يقول اشرب وأنا ردد كلامه
ذهلني يوم شفته في حريره =قمر سبعه وسبعه في تمامه
أنا شفي عذيب من غديره =ولكنه تمنع باستقامه
ترجيته وراجيته واديره =ولكنه كما صعب الجهامه
وقال إن كان ودك في غزيره =ترا منصاك قصر (ن)لنشامه
تقهوا واشرب الدله بخيره =وقول القول واحسن في ختامه
وغير القول هذا لا تميره =عطيتك من هوى راسي وسامه
تولم وأنتفش وأعلن هجيره =توادعنا ورددلي سلامه
ترا فرقاك لحظاته عسيره=فمان الله ياعالي مقامه
فمان الله ياثلج السريره=يابو خدين فيها ختم شامه