غالين ياربعي ورد السلامي

النوم ياللي تاخذ النوم عاده = مازود اللي يرقدونه زياده
احرص بشهر الاخير والاستفاده = خسران من ضيع صلاته ولو صام

امين ياورقان عد الملايين = سامي ولا تفقد يالهوجه سامي
اندورك بالدار من حول شهرين = لان الك قيمه عندنا واحترامي

لوكان يابو حرب غبتوا عن العين = ما غبت عن قلبي ولو غبت عامي
تسأل وانا أسأل والغلا بيننا بين = ما فرق الترحال ربعن كرامي

رحمة ولي العرش ماهي قليله = والى البشر ياكثر عدله وميله
وشال اللي الضلعان عجزت تشيله = الله يثبتنا على دين لاسلام

ماداومت للانبياء والسلاطين = دنيا الفناء ماهي بدنيا الدوامي
مير اكثر العالم بهالوقت لاهين = مضيعين الدين والاحتشامي

اخوي ورقان
استاذنك
واستودعك الله
ولي عوده ان شاء الله بالغد

الموت حاصل لو بغيناه بعدين = وان مت ربي يرحمك ياعظامي
وانكان باقي بالعمر لو يومين = الله يكتب توبتي فالختامي

	المشاركة الأصلية كتبت بواسطة ابـ حرب ــو

	اخوي ورقان استاذنك واستودعك الله ولي عوده ان شاء الله بالغد

في امان الله اخوي ابو حرب

وسامحني اسهرتك

صح لسانك وبيض الله وجهك

وعلى الرحب والسعه

وتصبح على خير

	صحت السنتكم يعطيكم الف عافيه والله يبلغ الجميع هالشهر الفضيل

محاوره جزله وقواكم الله وننتظر المزيد

ورقان

سلام يادار السعد والمسلمين = يادار حرب أهل الشرف والمقامي
غبنا ولو غبنا هل الدار غالين = غالين والحاضر يرد السلامي

ابـ حرب ــوصح السانك ياورقان
واستلم

ياللي تسلم مرحبا فيك وهلين = انوب فيها كل حراً قطامي
غبتم وجيتم ياعميلي عزيزين = واليوم عطنا حامضات العلامي