الشاعر الصييفي اقرب لاهنت

	المشاركة الأصلية كتبت بواسطة احمد الطريسي

	البقاء واستلم لاهنت وانت وش حصلت لو عمرك ورى ستين عامي=لاتهددني وانا ماحسب حساب اهل الرخامه يكفي اني عارف فرق العريب من التهامي=وانت لو تقدر تسل السيف طشيت اللثامه

هههههههههههههههه
حياك يا احمد، وراك على جيرانك؟
استلم الله يسلمك من لسانك:

أبك أنا ربّيت أجيال و تعلَّيت السنامي= و لا نهدد واحد(ن) غِـرّ(ن) و هشّات(ن) عظامه
لو عرفت الفرق ما مرّغت نفسك في الصخامي= الكلام ابلاش و اللي يطلقة مثل النعامه

	المشاركة الأصلية كتبت بواسطة الصييفي

	هههههههههههههههه حياك يا احمد، وراك على جيرانك؟ استلم الله يسلمك من لسانك: أبك أنا ربّيت أجيال و تعلَّيت السنامي= و لا نهدد واحد(ن) غِـرّ(ن) و هشّات(ن) عظامه لو عرفت الفرق ما مرّغت نفسك في الصخامي= الكلام ابلاش و اللي يطلقة مثل النعامه

استلم وانا سالم بئذن ربي من شر الشعار وغيرهم واذا كان فيها زعل بننهي المحاوره والدعوى مزوح وانت شاعر وتعرف المحاوره

الله الله واصفن نفسك على احسن مايرامي=والا انا لو مأنت ضيف اعلمك كيف الحجامه
انت كسرت اللحن لاكن طع شوري ونامي=والصقر هداد ماهو حاسب احساب الحمامه

	المشاركة الأصلية كتبت بواسطة احمد الطريسي

	استلم وانا سالم بئذن ربي من شر الشعار وغيرهم واذا كان فيها زعل بننهي المحاوره والدعوى مزوح وانت شاعر وتعرف المحاوره الله الله واصفن نفسك على احسن مايرامي=والا انا لو مأنت ضيف اعلمك كيف الحجامه انت كسرت اللحن لاكن طع شوري ونامي=والصقر هداد ماهو حاسب احساب الحمامه

خذ راحتك ما دامك تحب هذا النوع من اللعب
و الزعل مرفوع
استلم لا هنت:

ما مدحت النفس و اعَرْفِ الحلال من الحرامي= و كان هذي حرفتك ما ابغاك تعطيني علامه
اللحن ما به خلاف ان كان شلتوها تمامي= و الصقر لو هد ما يبعد، ويرجع في صيامه

الشاعر احمد الطريسي
الشاعر الصييفي
صح الله السنتكم
وبيض الله وجيهكم واصلو متابعين

اخي الشاعر الصييفي صح السانك وبيض الله وجهك وسامحنا على القصور والغلط وانت شاعر اكبر مني عمر وتعرف اكثر مني ان المحاوره لابد يحصل فيها بعض الامور عموما سامحنا على القصور ولايصير بالخاطر شي ولنا لقاء اخر انشالله وتشرفت باللعب معك

اشكر جميع من شرفنا في مروره العطر ومن تابعنا والله يبيض وجيهكم

	المشاركة الأصلية كتبت بواسطة احمد الطريسي

	اخي الشاعر الصييفي صح السانك وبيض الله وجهك وسامحنا على القصور والغلط وانت شاعر اكبر مني عمر وتعرف اكثر مني ان المحاوره لابد يحصل فيها بعض الامور عموما سامحنا على القصور ولايصير بالخاطر شي ولنا لقاء اخر انشالله وتشرفت باللعب معك

يا مرحبا بك يا احمد و شرّفتني بطلبك
و لا جرى منك الا الزين
أنت شاعر مفوه و مستقبلك واعد
و كلها مزوح و تروح
و اللي يزعل ما يجب يدخل الملاعب
لا خلا و لا عدم
شكرا لك و لكل من شرفنا بحضوره
أو تصفحه
و إلى اللقاء