حفل الزارع الزغيبي

السلام عليكم ورحمة الله وبركاته
تحية طيبة وبعد ...
اقدم بين يديكم قصيدة ترحيبية ألقيتها في حفل الزارع الزغيبي بدومة الجندل على شرف مشايخ وأعيان قبيلة حرب
وكم كانت تلك الليلة جميلة ورائعه بوجود أبناء العم والتي كانت من الليالي التي لا تنسى
لا أطيل عليكم ...
لكم القصيدة :

بسم الله الرحمن علام الأسرار = اللي جميع الكون تحت أمره إيسير
الخالق المعبود و النافع الضار = رب(ن) كفانا الشر ويسر لنا الخير
جيت لمنامي والحشا مشتعل نار = من ما بعقلي من هموم وتفاكير
أكتب من أفكار الشعر وأمحي أفكار = وعجزت لا ألقى لوصفكم أي تعبير
سوى إنكم أكبر من بيوت الأشعار = والشعر ما صغر ولا كبر صغير
دومه تغنت واكتست ورد وأزهار = والجوف بحضور النشاما غدى غير
نادى هلا وجاوب سحابه بالأمطار = فوق الثرى وأنبت بختري و نوير
يامرحبا ياللي إلى حفلنا سار = عن ملتقانا ما خذته المعاذير
جانا يسابق موتره جرة القار = مكيم الطبلون ويسابق الطير
أهلا هلا بإعداد ما هالفلك دار = ترحيبة(ن) تشمل جميع المسايير
حي وهلا مليون مليون مليار = يامرحبا ويا مسهلا بالمناعير
حياكم الله من جماعه وزوار = عد الثمر وعداد در المغاتير
وعد النجوم وعد ضيان الأنوار = وعداد ماتقبل مزون(ن) مزابير
وأخص به حرب الدول هم هل الكار = وشيوخ حرب اللي لهم كل تقدير
يا حرب يوم الحرب قوة وإصرار = طابوركم يرعب جموع الطوابير
تاريخكم معروف في كل الأقطار = وأفعالكم ما تحتويها أساطير
يا ويل من جته الرسايل والأخبار = على إن حرب(ن) دقت لحربها الزير
دفانة الركبه إليا هاج الإعصار = يزداد موقفهم برد الأعاصير
من جالهم بالدار يحشم كما الجار = ومن جالهم بالشر ما عين الخير
امتنن(ن) لو خان وقته والأقدار = خدبن يجي ويكسر العظم تكسير
وطعونهم بالخصم تحسب بالأشبار = كله على ضرب الكهام المشاطير
وتاريخهم بالطيب في شبة النار = وتشهد لهم جزل الخوات المباهير
عنوانهم حب الكرم والسخاء شعار = مدو ولو ما ساعدتهم مقادير
ويقول إبن زارع على مرأى الأنظار = قصايد(ن) تطرب جميع الجماهير
أنا الزغيبي والزغيبي إليا ثار = ما يقنصه ضيم(ن) ولا يلحقه ضير
ومن حقي دام إني على ربعي آغار = أسطر أفعاله على الطرس تسطير
الناس تنشد وين مرقاب الأحرار = وقلت القبايل مابهم أي تقصير
الكل له في حائط الحق مسمار = والكل له في دفتر العز تفسير
والمدح يزعل لا غدى بشي ما صار = أو مدح ثلثن حق وثلثين تزوير
ويشهد علي الله علام الأسرار = مدحت حرب ومدحها مدح للغير
والمدح يكمل لانذكر راعي الدار = عبدالله آل سعود وجه التباشير
البيرق اللي بساحة العز هو سار = معه العقول الراسيه بالتدابير
حنا دروعه لا لفى سهم الأشرار = وحنا لابو متعب جنود(ن) مساهير
وختامها صلوا على مكرم الجار = محمد اللي نور الدين تنوير

وسلامتكـــم ...
أخوكم / مهند بن عابد الزارع .

أنا الزغيبي والزغيبـي إليـا ثـار ...... ما يقنصه ضيم(ن) ولا يلحقه ضير


لاهــنت أخوي مهنــد الزارع

وصــح لســانك وأعتـــلا شـــانك ،،،

قصيــدة جــزله مــن شـــاعر جـــزل

وربيـ يوفقـ ـالجميـعـ ،،،

أخـوك/
بندر الزغيبي

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

راعي الحناكيه

صح لسانك ..
..
أسجل اعجابي بالقصيدة
..
ويعطيك العافيه ..

صح لسانك يامهند الزغيبي

صح لسانك

وافيه يا وااااافي

لاهنت ولا فض فوك


لك التحية

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح السانك يالشاعر المبدع

قصيده من عيون الشعر


هذه الجزاله بعينها


سجل متابعتي


ولك سلامي