بدر العجمى + عبدالرحمن السمين الحربى [مختصره]

محاورة جرت بينى وبين عبدالرحمن السمين الحربى
فى احد المنتديات قبل كم يوم احببت ايرادها هنا وكان لى الشرف مع الشاعر العلم عبدالرحمن

بدر العجمي=
"=
سلام والحربي عليه ..ادور.. روس المعضلات=لو كان يتحدا ويصنـع قنبلـه مـن مصنعـه
لاكـن عمـه مايهمـه سابقـات ولاحـقـات=مايدرى ان الموت الاحمر جوف فوهة مدفعـه
"=
عبدالرحمن السمين=
"=
"يا مرحبا ياللي تسلم والبقا للصالحـات=واليا تحدينا خذينا اللي نبي وانته معه
مانته بعمي دام مالك لا صلاه ولا زكات=لكن مدفعك المجهز فوق راسك نطبعـه
"=
بدر العجمي=
"=
معمتك ياكبرهـا واكبـر مـن جبـال السـراة=لاكن ماتنفعك من حـر الشمـوس ..اللسعـه
اسمع كلامى كـب عنـك اللفلفـه فالمقبـلات=((مانته بعارف وش حليب الديس حتى ترضعه))
"=
عبدالرحمن السمين=
"=
معمتي من فوق راسي وانت خلك فالعبـات=ياللي تقرقع في قدورك خل عنـك القرقعـه
وابلشت العاقل من الجاهل ليا عاف الوصات=يرثع يالين السم منا جـوف حلقـه يبلعـه
"=
بدر العجمي=
"=
اخيول يام اتعنها وقت المعـارك جاهـزات=ياحرب ..هيييدو.. قبل ريسكم نجيه ونشلعه
انته تمد ..إيديك بحلوق السباع الضاريات=فالحاره اللى نارها من عصر نوح امولعـه
"=
عبدالرحمن السمين=
"=
أخيـول يـام الله يخليهـا ليـام المكـرمـات=والا قبايل حرب مالـك مـن وراهـا مطمعـه
هون على روحك مـادام الطايـرات موقعـات=وبعض العرب يطرف عيونه من قشرها بأصبعه
"=
بدر العجمي=
"=
انته مشاكلنا وتعمـل للرجـال امضايقـات=وليا لقيت اللى يعادينـا تبـا تفـزع معـه
بعض العرب جيناه ثم عاف الاماره والحياة=لاكن بالله يالحريبى ..ثر.. حبـك وجمعـه
"=
عبدالرحمن السمين=
"=
الجمره الحمراء تولع من هبوب الذاريات=لكن وش حيلة ضعيف العزم لا هل أربعه
يا كثر ما وقع على راسك سيوف مرهفات=وانا ليا شقيت بشتك ما انت عارف ترقعه
"=
بدر العجمي=
"=
الداب مات وباقى الحيه عساهـا للمـات=ياسرع ماقطع راسها والذيل ادوسه وقطعه
ياكثر ماسطرت فالتاريخ نصر ومعجـزات=واللى مايقنع .. لا لقاء سود اليالى تقنعه
"=
عبدالرحمن السمين=
"=
يا كثر ما نسمع من علوم الربوع الساريات=اللي يراضيك اتركه واللي يناقشـك أقنعـه
مانته لحالك فيه قوم في ظهور المسرجات=قوم تجذ الضرس من بين الحنوك وتقلعـه

ملعبه رلالالاائعه بالحيل

صحت السنتكم وبيض الله وجيهكم

بدر العجمي
الله يعطيك العافيه لاهنت يالقرم
بيض الله وجهك
وصح الله السنتكم

ملعبة رائعه و قوية

صح لسانك و لسان عبد الرحمن الحربي

و ياليت تدعون عبدالرحمن السمين للملتقى

بدر العجمي

ملعبه رائعه وحاميه

صح لسانك
وصح لسان عبد الرحمن السمين

صح السانك ولسان عبد الرحمن السمين


السمين شاعر كبير اعرفه وله محاورات وله قصائد نظم جميله جدا

اشكرك يا بدر

صحة السنتكم هنا شعر اصيل والعب علا مستوا راقي وابداع

بدر العجمي صح لسانك وصح لسان عبدالرحمن الحربي


ملعبه رائعه وشعار اروع بيض الله وجيهكم

صحة السنتكم

الاخوان جميعاً تواجدكم يسعدنى
الشكر لكم جميعاً