بين الشاعر على الحصني والشاعر ملفي المورقي

09-02-07, 11:05 PM

شريط عندي وحبيت انزله كتابيأ
بين شاعرنا ابوفارس والشاعر ملفي المورقي
وصحت السنتكم على البحر والقافيه الرائعه

مرحبا عند حربي(ن) سلومه عريبه=جمع اهل الوفاء والجود من كل ديره
ملفي المورقي يفخر بحرب وعتيبه=مابقى إلا يصرح في قناة الجزيره
ملفي المورقي=
البقا بالصحيب اللي يقدر صحيبه= قالها شاعر(ن) ماقط خانه ضميره
الحميه ترى ماهي عليا غريبه= الشبابي ليا شفته يساوي عشيره
على الحصني=
طيب الفعل حنا كلنا نعتزيبه=لاكن الحبِ حول فالرحاه المستديره
واجد الهرج والبرهان طرح الضريبه=ماتبر الرجال إلا تجيك البريره
ملفي المورقي=
ماغدالك ذهيب ولاغدالي ذهيبه=نحمد الله من اصحاب الحضوض الكبيره
كل مخلوق فالدنيا يحصل نصيبه=مار الله اللي فيه خير(ن) وخيره
على الحصني=
كل هرجك هذا مافيه شك وريبه=مار سوق الركايب مبعدات المسيره
ملفي الشاعر المطلوخ كل(ن) يهيبه=مار انا خابره وادري بشره وخيره
ملفي المورقي=
ان هرجنا مصيبه وان سكتنا مصيبه=وانتي حربي ولا تقدر تبيح السريره
كل جرح(ن) من الايام يلقى طبيبه=بين طب(ن) حديث وبين عرف وبصيره
على الحصني=
ان هرجتو هرجنا ماعلينا غليبه=وان سكتو نقول الله يديم الستيره
انت روقي من العتبان سطوه وهيبه=لاتخوي على شيخ الكلا والعميله
ملفي المورقي=
كان صامل نبا نكرب حبال النجيبه=لين نمسي ورى ديرة صباح وسميره
احمد الله بعيد عن الردى والمعيبه=ماوى السلم وارد بالحبال والبصيره
على الحصني=
حضنا مايطيح وفعلنا يندعيبه=وانت عندك خبر لاكن سيرتك سيره
الهوى مايهز إلا الغصون الرطيبه=تدري ان الهوى ماهز هضبت وعيره
ملفي المورقي=
نعم فيكم ولاكن القضيه صعيبه=تحسب الكرسي الدوار كل(ن) يديره
وا حليل الطليب اللي يخلص طليبه=مابخس من حقوق الناس حبة شعيره

09-02-07, 11:13 PM

الله الله الله

ابداع رائع والشعار كبار ملفي المورقي والشاعر علي الحصني

غنيين عن التعريف

وبيض الله وجيههم وصح الله السنتهم

ويعطيك العافيه اخي ابوروان النويمي على الأختيار الرائع

تقبل تحياتي

ودمت بخير