الهاب الوسيدي

والله لكتب لك بيـوت الشعـر مـن دم الفـواد=واجعل نقطها من دموع العين فـوق حروفهـا
هذا دليل الصدق فـي حبـك وبرهـان الوكـاد=رغم انعكاسـات الحيـاة القاسيـه وظروفهـا
هزيتني كمـا يهـز النفـط وضـع الاقتصـاد=بالدولـه اللـي مايعـادل دخلهـا مصروفهـا
والفرق بافكـار البشـر يفـوق كـل الاعتقـاد=بـس الكلافـه ماتصيـر الا علـى مكلوفـهـا
احـدٍ يخطـط للسياسـه بالنضـال وبالجهـاد=واحدٍ يخطـط بـس كيـف اتقابلـه ويشوفهـا
بالخير يادنيـا السعـاده شـي قـل وشـي زاد=وانـا بعينـي شايـفٍ بقعـا تهـز كتوفـهـا
نفخت جمر النار ابيها تشتعـل وامسـت رمـاد=وصكيت بيبـان البنايـه والبـلا فـي جوفهـا
من كثر ماشفت العبـاد اللـي يعبـدون العبـاد=اصرف نظر عينـي وجنبهـا تقـل ماشوفهـا
مات الطبيب وضاع طبه والمرض هيمن وسـاد=وانا اتمسكن في رجاها وارتعش مـن خوفهـا
وان كان راس المال ولا واصبح المربـح نفـاد=ماتنفع اليمنى على اليسـري بخبـط اكفوفهـا
اعمر مدينـة ربمـا واروي روايـة شهـرزاد=ومن الشقا حتى عيوني صرت اكـذب شوفهـا
يالليل نزرع زرعنا والصبـح ياطـاه الحصـاد=واللي نبـي منهـا تلقينـا بيـاض اخفوفهـا
ماباقي(ن) غير الحضوض اتباع في سوق المزاد=عند الرجـال اللـي تزكـي كذبهـا بحلوفهـا
ياما تلحفنـا السمـا وفراشنـا شـوك العـراد=ومن المعزه ماطلبنـا النـاس مـن معروفهـا
وتراي من غيرك سوات العين من غير السـواد=واليا فقدتك مثـل يـوم العيـن تفقـد شوفهـا
فـي داخلـي كـن وزيـر الداخليـه فالـبـلاد=لبـى العيـون اللـي تهددنـا بحـد سيوفهـا

صح لسان الشاعر العلم الهاب الوسيدي

وبيض الله وجهك على النقل

صح لسان الشاعر العلم الهاب الوسيدي

0
0
0
قصيده رائعه من شاعر رائع

0
0
0

تحيتي

0
0
0
0
صح لسان الشاعر : لهاب الوسيدي
0
0
و تسلم على النقل

صح لسانه وسلم بنانه

تسلم يمينك يابن فرهود


وصح لسان الشاعر / لهاب الوسيدي


شاعر متمكن ولاهي غريبة عليه الابداع

مشكور اخي على جهودك

بيض الله وجهك وصح الله لسان الشاعر لهاب الوسيدي

تقبل تحياتي

ودمت بخير

الله يعطيك العافيه


على هذا النقل الجميل

نقل تشكر عليه

وبيض الله وجه

لهاب الوسيدي الحربي

وعساه على القوه والعز

بيض الله وجيهكم على المرور