السرج سرجي والشداد شدادي

كلمتك ياحي ٍ علي تنادي
اوحيتها لاتقول مايوحيها

وقفيت عنها لو شرار زنادي
يحرق يبوت الذل واللي قيها

من طيب لاخايف والا متحادي
رجال اخذها وافيه وعطيها

ولحقتني بسلاح غيرك
عادي
على مرا مجنوها صاحيها

مافادة الرفقه وملح وزادي
لك سولت بالشر ياموطيها

واليوم لازاد الحطب سرمادي
القوس شرهتها على باريها

ابا اعتزي وقطع عليك الوادي
ودفن لك الركبه وانا راعيها

السرج سرجي والشداد شدادي
في حاضر الدنيا وفي ماضيها

خذها مدام الصمت عم وسادي
مسنده ومحدره واديها

ماعنك في يوم الخطر نشادي
ان ردو اولها على تاليها

مع الاحاطه بالمحيط الهادي
كلمه يعرف ابعادها قاريها

ان جاك فاسق في خبر وربادي
اذنك سلمت ودمت لاترخيها

عشرين سطحه مع كذا كدادي
تجيبها بالليل وتوديها

ابغاك لاجاتك لها رعادي
تصير يافز الوغى قاضيها

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

هنا نزهة القراء
هنا الحديقة الغناء
هنا موسيقى الحروف وطرب الكلمات
هنا المعاني الجزلة
هنا ترتفع الذائقة بمتذوق الشعر الى فضاء المعلقات
سلمت أناملك شاعرنا الراقي وصح لسانك مليارات