مشاركتي الأولى

.

تلف يمين تلف شمال عليكم ثابته بحقوق = أخذ لك صايد اللقطات صور تثبت مواريها
كلامك زين تمدحني ولا ينفع حكي مملوق = انا عارف مقامي زين ولا مدحـك يغطيها

تحب المشكلة ما كنك إلاّ عاشق ومعشوق = تراها ما تحاوج وانت تبعثها بتحييها
كلامي ما تغيّر ياهل الساحل وياهل عموق = انا وشلون ازعل ربعتي وانته بناخيها

هذا آخرماعندي والختام عندك يالعزيز :

سحابه مرعده ياصاح نعاينها مسا وشروق = ولاشفنا همايلها لهــا عامــين نرعيــــها
ألا يانعنبو ذالوقت تغير صــدقه المصـــدوق = هجيره مختلط بالبرد فصوله ضايعه فيها

ظروف الوقت يا الطيّب تعوق أهل المكارم عوق = واخبرك من رجالٍ تعرف القصة وماضيها
أقول اصبر ترى الخالق عنِي بحاجة المخلوق = يهل المزن من وبله وتشرب حلو صافيها

وسلامتكم
وشكر خاص لسمو الشوق

كلام رائع و جميل

الله يعطيكم العافية

يعطيكم العافيه على الملعبه الرائعه...
بارك الله فيكم ...
ابداع في ابداع..
تحياتي