تعال يا ابو روان نسولف شوي وخل اللجنه يقوموننا

سلام تسليمةٍ فيها دفاع وهجوم= ابدعتها واضبط المعنى واغنيبها
ترى النويمي علومه يا جماعه علوم=سيور الايام تدريبه ويدريبها
يامرحبا ردة(ن) تطلق سوات السهوم = ترمي هدفها وتاقع في مضاريبها
اعلومنا ياوسيع العرف حسب السلوم = يومن بعض العرب تكثر عذاريبها
ركد هدفها وعرضها كبار الجروم = نمشي على خطةٍ تصفي مشاريبها
برقٍ على الغرب ربانه تعزل يحوم= يمطر على الشرق داناتٍ يدويبها
ياصاحبي لا تحلم ماتفيد الحلوم=من عاش في دنيته ياخذ تجاريبها
إليا رسمت الخطط حذرا تطيح وتقوم=اهل المطاليب ماتترك مطاليبها
ما نعترض كان قسمتنا كبار القسوم = مار البلا نزغت الشيطان يحريبها
جتنا الرسايل عليها واضحات الرقوم.= وزودٍ علــيها تــواردنــا منـاديـبـها
اقول كل(ن) على جسمه يفصل هدوم=حذرا تسب الضيوف ولا معازيبها
انكان جتك الرسائل للرسائل رسوم=ادفع رسوم الرسائل في مكاتيبها
ان جتني القدره اغير نظام القدوم = احط فيزه وننشرها على ويبها
لا شك سيله قوي وموجته ما تدوم=اليا صبرنا لزوم نقفل اشعيبها
لاتقرب الشر وابعد لاتجيك الهموم=العافيه ياطويل العمـر ياطيبهـا
انتا تريد القمر ولا تريد النجـوم=ترى الذيابه تعاوى في مراقيبهـا

يــا ربنــا نطلــبك برضــاك حــظٍ يقـوم ...... اليا عطينا خبوتٍ عاوين ذيبها
اشوف بعض العرب حقده علينا يدوم...... زودٍ على نفخته تبرم بشانيبها
سرا
تحياتي الحب الباقي

صحت السنتكم وبيض الله وجيهكم

	المشاركة الأصلية كتبت بواسطة ابوثامر

	يــا ربنــا نطلــبك برضــاك حــظٍ يقـوم ...... اليا عطينا خبوتٍ عاوين ذيبها اشوف بعض العرب حقده علينا يدوم...... زودٍ على نفخته تبرم بشانيبها سرا تحياتي الحب الباقي

يالله تقبل دعائه وترحمه يارحوم=اللي غدا في علوم(ن) صعب ترتيبها
يمكن بعد عام تصبح شيخ شمل البقوم=تقضي على المشكله والصبح تضويبها

صحت السنتكم
بيض الله وجهكم

خلوهاااااااااا

القاف شيّب ولا يبقى يكود التموم ..... اختامها الشكر لصفوفٍ نماريبها

المعذره يالنشاما كان حاصل ثلوم ..... فالقاف والا معانينا فرغ شيبها

تحياتي للجميع ... والمعذرة .... خلاص شاب القاف

صحت السنتكـم

صحت السنتكم وبيض الله وجيهكم

الله يـعـطـيـكم الـعـافيـــــــــــة على الملعبه الرائعه
وصحت السنتكم
بيض الله وجهكم