قصيدة بعنوان(( بنت الطيب )) ،،،،،،،،،

السلام عليكم

أسعد الله أوقاتكم بكل خير
.
.
قصيدة بعنوان(( بنت الطيب ))

بقلم /فواز بن محسن الزويهري الحربي


🍃🍃🍃🍃🍃🍃🍃🍃🍃


الزين يبلا والمزايين جُلاس
والدلة الزينه ترا من بهرها
...
والبنت بنت الطيب من نسل قرناس
اللي في وقت الجد كل ن خبرها
...
ما ترتضي بالدون ولا ترخي الفاس
الا على روس القروم بسطرها
...
ياباغي الزينات حذراك الافلاس
الزينه احذر لا يغشك ظهرها
...
دور .. ونقب واظفر بصافي الكاس
اللي دواخلها مطابق صورها
...
اللي ليا قالت أنا بنت من راس
يبري جروح القلب وبقعا عبرها
...
وكل على قدره يبا طير عساس
وشيهانة الصقَّار فعله وكرها
...
هذا مثل .. مدروس حرفه بنوماس
من راس حربي .. والمعاني حكرها

🌿🌿🌿🌿🌿🌿🌿🌿🌿

مساء الخير لك اخ فواز وللجميع

هذا مثل .. مدروس حرفه بنوماس
من راس حربي .. والمعاني حكرها

والله والنعم بك وبربعك وبعزوتك
وصح لسانك ابداع من مبدع وقصيده جزله من فكر شاعر جزل المعنى والمفرده
اخوك / نبع القوافي

	المشاركة الأصلية كتبت بواسطة ابو عادل

	مساء الخير لك اخ فواز وللجميع هذا مثل .. مدروس حرفه بنوماس من راس حربي .. والمعاني حكرها والله والنعم بك وبربعك وبعزوتك وصح لسانك ابداع من مبدع وقصيده جزله من فكر شاعر جزل المعنى والمفرده اخوك / نبع القوافي

مساء الرضا والسرور

وماعليك زود لاخلا ولا عدم

وصح بدنك وسلم غاليك والله يبارك فيك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وبيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة