لا صار ماتبدع إبيوتٍ ثمينه ** ريح ضميرك واترك الناس ترتاح

لا صار ماتبدع إبيوتٍ ثمينه=
= ريح ضميرك واترك الناس ترتاح
ياما سمعنا من قصايد عجينه=
= والمشكله حازت جماهير وأمداح
في عالمٍ تصفق يساره يمينه=
=وكل القصايد عنده إسمان وصحاح
ميزانهم صوتٍ تعالى رنينه =
= تلقى جماهيره لها صفق وصياح
خلوا تقاليد العرب والسكينه=
=في ليلهم مسراح والصبح ممراح
ويااللي على الشاطي تدف السفينه=
=عود على الساحل ترى مانت سباح
البحـــر يبـغـاله رجــالٍ رزيـنـه=
= له غـبـةٍ تـجـذب جـمـادات وارواح
وخلك على كشته قريب المدينه =
= دلــه وبــرادٍ له البـــال يــرتــاح

( سند مسند العريمه الحربي )

الشاعر /سند العريمه
صح لسانك وعتلا شانك
قصيده معبره وجزله
من شاعر جزل

لاصار ماتبدع بيوت ثمينه ==ريح ضميرك واترك الناس ترتاح
ياسلام هاذ الصحيح اللي مابعده صحيح صح لسانك ماهي غريبه عليك الجزاله بالشعر
يافارسنا الباسل وشاعرنا /سند العريمه تقبل مروري واجمل تحياتي

الشاعر القدير/ سند العريمه
قصيده جزله وموضوعها صحيح حاصل

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

شاعرناالكبير/سعدالمحمدي صح بدنك يابوتركي وشكرا على تنسيق القصائد لاعدمناك
وإشادتكم نتشرف بها لاهنت ودمت بخير..

الشاعرالقيدير/صلاح الحيسوني صح بدنك وشكرا على مرورك الرائع ولاهنت ولاهان منطوقك الراقي
وانت راقي دائما دمت بخير وسعاده وتحياتي لكم..

الشاعر/صقرالمراقيب شكرا على مرورك لاهنت ودمت بخير.

الحب الباقي صح بدنك مرور مستمر ومميز تحياتي لكم دمتم سالمين..

الشاعر القدير سند العريمه

صح لسانك قصيده تحكي عن الواقع بيض الله وجهك