لي مدةٍ ما دخلت "الفيس بوك"

لي مدةٍ ما دخلت "الفيس بوك" لعدة اسباب:= منها الكسل و الكسل من يلتويبه ما يقومي
و منها احسب الشيخ "اباما" رجل لا جا حزم كلاب= و اثره معبي هواً ساخن لاجل حرب النجومي
الى دخل معركه لا تحسب انه عامل حساب= ينفس عن النفس باطلاقه طلق ولد الرخومي
بوتن ضحك له و خلا العبد يرقص رقصة الراب= و بانت لنا سوءته من بعد ما خسر الهدومي
الغرب يخشى على اسرائيل ضربة غاز الاعصاب= و بشار سلّم له الترسانه و صار امهزومي
يا سوريا ما لك الا الله و بعده حزب "خطاب"= في جيشك الحر نصرك قادم بقوّ العزومي
اما العرب من وهنها ما لها ظفرٍ و مخلاب= كرسي الحكم شغلها الشاغل مع أكلٍ و نومي
و بشار معاد له قيمه و لو كبرن الالقاب= العلم عند العجم و اذنابها شيعي و رومي

صح لسانك
يالصييفي
على والحمدالله على السلامه

صح السانك وبيض الله وجهك
مافيك حيلة

تسجيل تواجد في منبر الجزاله
صح لساانكـ
بيض الله وجهك

	المشاركة الأصلية كتبت بواسطة سعد المحمدي

	صح لسانك يالصييفي على والحمدالله على السلامه

صح بدنك يبو تركي

و سلمك ربي

مرورك شرف

	المشاركة الأصلية كتبت بواسطة نديم المجرة

	صح السانك وبيض الله وجهك مافيك حيلة

مرحبا بك يا نديم المجرة

شرفني حضورك

و لا عليك زود

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

ارررحب يا الحب الباقي

حضورك اكبر حافز يالجزل

صح بدنك و سلمت من كل شر

صح لسانك الله يعطيك العافيه
والدعوا مطبوخه ياذيب ماباقي الا توزيع الولائم نسال الله النصر للمسلمين

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فايزموسى البشري

	صح لسانك الله يعطيك العافيه والدعوا مطبوخه ياذيب ماباقي الا توزيع الولائم نسال الله النصر للمسلمين

مرحبا بك يا موسى البشري
عافاك ربي

لعلها مع كثر الطبابيخ تحترق الطبخه
الله يكون بعون المسلمين الحق