2280لغز قدر امكانكم حلّوووه محلول من قبل سيف الضافي صح لسانه

السلام عليكم ورحمة الله وبركاته
تقبل الله منا ومنكم

طرحت اللغز وأنتم للصعايب قدّها وقدود =ولا هي بالتحدّي مير قدر اِمكانكم حِلّوووه
أنا حصّلت بنتٍ في طرف رجلٍ عليك يْكود =وهي صعبة منال وماصعَب عند العرب خَلَّوْووه
مثَل ماقيل عن صعب الوصول أصعب مثل منشود =وصلّى الله وبارك عد ما حل فرضٍ وَصلَّوْووه

.

صح لسانك وبيض الله وجهك ولغز واضح عليه انه قوووود
لكن عندي رمعة يالله انها تصيبه واحل لغز اللي ما حل لغزي يارب

وش تقول طال عمرك ب ( حبة الكوع )

	المشاركة الأصلية كتبت بواسطة سيف الضافي

	صح لسانك وبيض الله وجهك ولغز واضح عليه انه قوووود لكن عندي رمعة يالله انها تصيبه واحل لغز اللي ما حل لغزي يارب وش تقول طال عمرك ب ( حبة الكوع )

الله الله

أصعب على المخلوق من حبة الكوع = وألاّ على الخالـق بسيـطٍ دوَرهـا

(( حبة الكوع ))

والحل مثل ماتفضلت ياسيف قوووود فري قوود ، صح بدنك ولسانك ووجهك ابيض


تحيه وتقديري لك وللجميع

الحمدلله الحمد لله
وحده بوحده وكلا واحد يصلح لغزه قصدي يصلح لغز جديد

اخوي خليجي نت فيه لغز مدري من صاحبه يقول

ياويش ورع(ن) ما يحبونه الناس = حتى ان ابوه من الملا ما يحبه
تضرب به الامثال بالموقف الماس = والحل حلال النشب ما نشب به

عزيزي ابو هليل كلا من اللغزين مايحتاج لهن تثبيت بس رقم وختم ويبقى بمكانه .

0736:

العطاوي سيف الضافي


بيض الله وجيهكم وصحة السنتكم

صحت ابدانكم جميع

	المشاركة الأصلية كتبت بواسطة سيف الضافي

	اخوي خليجي نت فيه لغز مدري من صاحبه يقول ياويش ورع(ن) ما يحبونه الناس = حتى ان ابوه من الملا ما يحبه تضرب به الامثال بالموقف الماس = والحل حلال النشب ما نشب به .

كذلك ما اعرف صاحبه ولا ادري وش حله

لكن قد يكون الديْن وابوه حدا اثنين يالديّان يالمديون هذا ان كانك انت تعرف حله