الرد على قصة فيلكس ,,.,.,.,.,.,.,. مساجلة فواز الزويهري وخالد الأحمدي

السلام عليكم

ردي على شاعرنا القدير صقر المراقيب

البدع على هذا الرابط


http://www.m-harb.net/vb/showthread.php?t=145395

بدع الشّاعر / خالد بن عبيد ألأحمدي=
.....................................=........................................
الارض اغلافها الجوّي محاط بحكمة الجبّار=عليه الجنّ قبل الانس تلقى شهب تحرقها
ماغير المعجزه صارت بقدرة ربّك القهّـار=على الاسراء والمعراج للمحمّـد محققهـا
لجل تومن به الكفّار لو ماحتاج منها اقرار=مـدام الله باياّتـه نـزل جبريـل وثّقهـا
وانا ماودّي تصدّق كذوب النّاس فالاخبـار=علوم الغرب كم تخلف مباديهـا ومنطقهـا
ليا منّه نوى يخدع بدرب الكذب مايحتـار=يزيّنها كمـا ودّه علـى صـوره ينسّقهـا
لاصار انّه لقا عالم تجيله كيـف مايختـار=هذيك دقون محلوقه حسب رغبة محلّقهـا
وجاك القاف يافوّاز نقصد به معاك احوار=وابيك تجيب لي جابه بعد نظـره تدقّقهـا
على قصّة فيلكس اللي تسجّل سحر للانظار=وانا ماني مصدّقها لـو العالـم تصدّقهـا
اقول انه فلم يظهر نجـمّ حبّـاك لـلادوار=قدر يضحك على جهّال مغربها ومشرقهـا
يعود امكان حدّد له بعد ينشاف بالمنظـار=وهو فالجو صعب ايشوف لو عينه يبحلقها
وكان انّك توافقني على ماقلـت فالاشعـار=آنا شاكرك وآقدّر شهـاده منـك ترفقهـا
.....................................=........................................
ردّ الشّاعر فوّاز الزّويهري=
.....................................=........................................
الارض اغلافها الجوي حوى لهل العقول اسرار=واقاويل البشر لاجات أنـا مـن علـم افرقهـا
ترا مافي تعارض مع كتاب الله واللـي صـار=ياخـالـد افـتـح الافــاق بالله لا تغلقـهـا
ترا حنا صنعنا اقمار طارت من وقـود النـار=اشـارة بثنـا فـوق الغـلاف اليـوم نطلقهـا
عرفنـا للهوا ميـزه عرفنـا للهوا مـقـدار=ونسبة غازه اللـي كتلـت الاجسـام يخرقهـا
وصنّعنا لبوس العلم ثوب ٍ مارتبه ازرار=يقاوم قـوة السرعـة وقـوة ضغـط يرافقهـا
وعلم الامس غير اليوم وبكرة للعلـوم انـوار=ثمـار العلـم تتجـدد مـع الفكـرة عذايقهـا
وانا اقولك ترا فيلكس ساقط مـن سمانـا خـار=سقوط اسمه وبعض الناس فاطباعـه مطبقهـا
والا يالفاهـم العاقـل الا يالواعـي البيطـار=نـواة التمـر ربـّي ربّك المعبـود فالقهـا
تخالفنـي واخالفـك وانخلّي للنظـر معبـار=لعل اللي خطـا منـا دروب الصـح يطرقهـا
اقوله يوم بعض الناس كنّه بحر فيـه اعصـار=ليا جاته مراكب صـدق مـن جهلـه يغرقهـا
وأنا عارفك ياخالد من أهل الصدق وأهل الكار=حلوق ٍ ماتجيب الصدق بالبرهـان تشرقهـا
كتبت اللي انا شوفه حسـب ماخـط فالاسفـار=وكـل ٍ لـه قناعـاتـه لاصحـابـه ينمقـهـا

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك ودمت بهذا الشعر الأصيل


تحياتي

	المشاركة الأصلية كتبت بواسطة الحب الباقي

	صح الله لسانك يا القرم والله يـعـطـيـك الـعـافيـــــــــــة بيض الله وجهك

صح بدنك وسلم غاليك والله يبارك فيك

صح لسانك
......
واشكرك يابو محسن
على تجاوبك
وعلى امتاعنا بهذا الرّد
فأنت شاعر تعطي الشّعر حقّه
وشاعر يملك اسلوب خاص به ان كان في بدعه أو في ردّه
ويرتاح له كل من تحاور معه
ماشاء الله عليك يابو محسن
والجيّات اكثر انشاء الله

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح. بدنك وسلم غاليك والله يبارك فيك

صح السان خالد وصح لسانك يابو محسن

صح لسان الشاعرين
كلن اثبت وجهة نظره ولكن احسنت في مخالفة وجهتك يا فواز
لأن الله سبحانه قال ((انفذوا لا تنفذون إلا بسلطان))
و العلم سلطان ليس لحد محدود
تقبلوا تحياتي

صح السان خالد وصح لسانك يابو محسن