ابوروان النويمي تركي الشيخ

ابوروان النويمي=
مرحبا في مرحبا مار مافيها تأخير=نبيها ياجماعه علم في ربع ساعـه
تقدم ياتركي وانت لك حشمه وتقدير=وتقديركم يالشيخ صارلـه طماعـه
تركي الشيخ=
البقا ثم البقـا يالوجيـه المسافيـر=في محل الطيب مابين ربع وجماعـه
ابشر بعزك وربك يدبـر كـل خيـر=وانت راعي طيب والطيب كنز وقناعه
ابوروان النويمي=
أنت شاعر مقتدر مار راحت تفاكير=كل ليله انا وانت ونـاس فزاعـه
عقب هاك الليالي صار فيها تفاسير=وانت خابر شبابه كم فيها شجاعه
تركي الشيخ=
ابشر اني محتزم في يدي سيفٍ شطير=كل واحد فاللقا قام يشمر ذراعه
الليالي دايره خل سرك جوف بيـر=لاتبيع وتشتري في هذيك البضاعه
ابوروان النويمي=
احتزم ياالشيخ ياعلك راعي مناعير=وانا اشوفك شيخ منتا صاحب قطاعه
مادريتو يالشيوخ يوم جتكم معاشير=روحت ماروحت مار جتكم وداعـه
تركي الشيخ=
لاتغطس في بحر وانت تغرق في غدير=واحمد الله فالنعم لاتجيـك المجاعـه
الدعاوي بينه ميـر روح واستشيـر=والمرض قالوا ترى بان وسط الاشاعه
ابوروان النويمي=
والله اني ماودي غير في بحر(ن)غزير=وكل واحد يمشي على حسب استطاعه
الدعاوي بينه مـار جوهـا مخابيـر=والاشاعه كذبت كل المرض بانواعـه
تركي الشيخ=
الرغا ياصاحبي عيب من بعد الهدير=ان نصيتك قول لي قول سمعٍ وطاعه
الخبايـا حلهـا يامحنـك ياخبيـر=وانتبه للوادي اللي تعاوى سباعـه

ألف شكر على المحاوره
بارك الله فيك
يعطيك العافيه ...
تحياتي .

الله يـعـطـيـك الـعـافيـــــــــــة

بيض الله وجهك

الله يـعـطـيـك الـعـافيـــــــــــة

بيض الله وجهك

و صح لساني الشاعرين