رد ثناء بالشيخ / صلاح الزبالي

قصيدة مهداه إلى رجال المواقف الصعبة الشيخ / صلاح بن فريج الزبالي الحربي
نظير ما قدمه تجاه أعتقال رقبة أبننا / خالد هزاع العلوي الحربي . و الشكر
موصول للجميع من شارك و ساهم بقضية خالد .
لا حرمكم الأجر و المثوابة .

القصيدة صوتية

إليا بليت بموقفن صعب ودك=يا قف معك مثل صلاح الزبالي
حرن إليا منه وقف معك سدك= وشاهد كلامي يا كرام السبالي
ناد على دويحان ثم قال حدك=وقف لا تجمع لأبن عمي ريالي
بس أنت قلي كم مبلغ يسدك= أنا فدا خالد بحالي و مالي
قالوا بقي خمسة ملايين ودك= تسوقها قال أيه مابها أشكالي
ثم قال لو عندي خبر به لا أردك= ما تجمعون أريال يا أبن الرجالي
لسوق ما يبغاه خصمه و أمدك= باللي يبا و أنا زبون الثقالي
كفو و حنا للقبيلة نعدك=مزبانها لأ كّشرن الليالي
وطيبك ما هو هالحين من وقت جدك=أنتم هل الواقفات بأول و تالي
و شكرن لمن ساهم و شارك و دك= يا قف معك مثل صلاح الزبالي

اشكرك وشكر صلاح الزبالي والشكر اللي كرسو جهودهم با الجاه والمال
والحمد لله تيسيرن من الله وبذل جهد المجتهدين الله لايحرمهم الجر
والشكري وتقديري للجميع

صح لسانك وبيض الله وجهك
ويستاهل شيخنا ودرعنا الله ايبيض وجهه
ويكثر من امثالله وبارك الله له في ماله وحلاله

الشاعر الجزل
سعد جاء الحصني
صح لسانك يابو مشاري على القصيده
الجزله في رجل المواقف الصعبه صلاح الزبالي
الله يبيض وجهك وجهه

وافيه من راس وافي
وقيلت برجل وافي
صح السانك وبيض الله وجهك
وبيض الله وجهك الزبالي صلاح وكل من ساهم بحل هذه القضيه كان من كان بيض الله وجهه وجزاهم
الله خير الجزاء ورزقهم الاجر العضيم

صح لسانك والجزله ما تجي الا من رجال جزل وفي رجال جزل

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الحقيقه قصيده جزله فى كريم جزل حفظكم الله جميعا

الله الله الله

صح لسانك يابو مشاري

اشهد بالله انك قلت و اجدت ..

ابو مشاري شاعر و لكن مايظهر شعره إلا المواقف الصعبة.

و الشيخ / صلاح الزبالي يستاهل كل علم غانم .. ارخص ماله لأجل ابن عمه

اسأل الله ان يخلف عليه و ان يمد في عمره.

هذا الشيخ اللي تفقده القبيلة .... هذا الشيخ و الرجل اللي يستاهل من يكرمه

و يدعيه لكل مناسبة للقبيلة و يجلس في صدر المجلس ماهو بعض المهايطية

اللي يوم جااااااااات اللواااااااااااازم اختفوا.

صح لسانك يابو مشاري على هذه الابيات اللي في نظري انها تسوى معلقة

السلام عليكم ورحمة الله وبركاته
صح لسانك ياابومشاري اوبيض الله وجهك