قبل شهر رمضان الليل هذا مثل ليـل العيـد

31-03-07, 11:55 PM

قبل شهر رمضان الليل هذا مثل ليـل العيـد=عسى ربي يطول عمر من نمشي على نـوره
تهرج يا احمد الناصر وصك الحيد جنب الحيد=ولا تزعل على مستور والاحـوال مستـوره
اظن العيـد عيـد للجميـع مبـارك وسعيـد=وهذي عادة ما تختلـف لعيـال اخـو نـوره
عسى من قاد راسك يالثبيتي مـا يفيـد الفيـد=ترا مستور اخوي ورفقته في القلب مبـذوره
ترا عقل البني آدم يا حمد الناصر سواة القيـد=يخلي السر دايم صرة في الجيب مصـروره
نسيت الفقه والتوحيـد والتفسيـر والتجويـد=بعد عودت معهم كـل يـوم تلعـب الكـوره
تهرج يالثبيتي انت ابـو مـا تشتهـي وتريـد=وليا ضيعت دربك نزهدك في راس باكـوره
تكايدني واناخا بـرك رجـال تحـب الكيـد=جوازك للسفر ما فيـه توقيـع ولا صـوره
عطوك البندقية مار ياجعلـك تصيـد الصيـد=لها روحين صار البندقة ما هيـب ممهـوره
يجيبون الـدوا للعـود يبونـه يصيـر وليـد=وليا شافوه يعرج بين اهل رابـغ ومستـوره
تشوف اللي قريبه يالثبيتي مـا تشـوف بعيـد=سواة التاجر اللي في البحر غرقـان بابـوره
اظن الفقع في جنب الرقـه والعلـم بالتأكيـد=ولو ما تحسن اللحية لقيت البيـض منثـوره
انا ما ابغاك تمشي فالدروب العوج يا بوزيـد=ولا يطرحك درهام الجمل فالارض عنكـوره
انا با خذك بالمعروف وانت العم وانت السيـد=رجاجيل الجميلة بين كـل النـاس مشهـورة
تهددني ولايزمـل عميلـك راعـي التهديـد=واخبر الناس يا رجـال منهيـة ومـا مـوره
نبي نرضيك يا رجال والميت عسـاه شهيـد=وعقب اقرا عليك العاديات من أول السـورة