سلام سلام مني للطرسي

الله يقويك يامرسي وتطلع مثل فاروق **** وتقود شعبك علا درب النجاء بحكمه رزينه

عسي بروق السحاب تنزله في مرتع النوق**** ونسمع دنين الرعد ونقول هاذا الرعد وينه

	المشاركة الأصلية كتبت بواسطة ابومشاري

	الله يقويك يامرسي وتطلع مثل فاروق **** وتقود شعبك علا درب النجاء بحكمه رزينه عسي بروق السحاب تنزله في مرتع النوق**** ونسمع دنين الرعد ونقول هاذا الرعد وينه

خل السياسه لاهلها رحلتي معكم بطاروق= و اهل الكنانه بميدان التحرّر ماسكينه
يخوفي ان السحابه وبلها مهوب مسبوق= و سيله يخلي المسيل و يغمر الديره بطينه

خلك معي ياعميلي وابشر ان العلم ماثوق **** وذي سنه الله في ذا الكون محنا مغيرينه

ان كان وانك زعلت ابشر يجيك الكيل مطبوق****وانحاش عن سيلكم واديه محنا نازلينه

	المشاركة الأصلية كتبت بواسطة ابومشاري

	خلك معي ياعميلي وابشر ان العلم ماثوق **** وذي سنه الله في ذا الكون محنا مغيرينه ان كان وانك زعلت ابشر يجيك الكيل مطبوق****وانحاش عن سيلكم واديه محنا نازلينه

أنا معك لكن انته تاخذ السلعه بمفهوق= العلم واضح وضوح الشمس وشراع السفينه
المملكه حولها الاعدا لها أنياب و شدوق= الله يحمي البلد و يعز سلطانه ودينه

الشمس تطلع علا العربان تبداالصبح بشروق **** فيها منافع لكل الناس تنفعهم وزينه

و المملكه يا عسي ربي يجنبها عن العوق **** بحمايه الله ثم رجالها اللي ذهينه

	المشاركة الأصلية كتبت بواسطة ابومشاري

	الشمس تطلع علا العربان تبداالصبح بشروق **** فيها منافع لكل الناس تنفعهم وزينه و المملكه يا عسي ربي يجنبها عن العوق **** بحمايه الله ثم رجالها اللي ذهينه

صح لسانك يبو مشاري

و مشكور على المجاراه بدلا من الطريسي

كفيت و وفيت

تسلم اخوي شاعرنا الكبير الصيفي تشرفت باللعب معك وفي الحقيقه دون مجامله انت استاذ ماشاء الله

السلام عيكم ورحمة الله وبركاته المعذره ماكنت موجود واصلو اللعب بيوت طيبة من وجية اطيب