المطوع علامه كل ماحضر يغيب

مضحي بن جمران=
المطوع علامه كل ما أحضر يغيـب=مع حضوري يغيب ومع غيابي يجي
ابو ثوبٍ قصير يرمس ارماس ذيب=مارحمه لو مسكته عود والا عجي
المطوع=
المطوع غيابه عن خطات الصحيب=عقب ماهو صحيبٍ مختلفله سجي
لو ماني معودها لشتـم القريـب=لوتدور الليالي حافظـن منهجـي
مضحي بن جمران=
يالمطوع اعرف انك ذكيٍ لبيـب=الاصايل لجات اللازمه تسرجـي
عارفن مقصدي مانى عدوٍ حريب=بس قرب حبوبك والرحى تدرجي
المطوع=
لاتعذر بعد ماخطيـت يابونجيـب=وبك صدري وسيع ولابها محرجي
يوم ثارت بلا توقيت رميت عطيب=روحت من نصيب العالم البهرجي
مضحي بن جمران=
انت مالك بها يالقرم معيـه نصيـب=ارفع ايديك والخـلاق لـك يفرجـي
انت رميك يطوش وجتك رمية صويب=يالمطوع عساك تشوف لك مخرجـي
الطوع=
جعلها من نصيبك ياالكبيـر الاديـب=بـس لاتـدرج ودوخ ماتهـرجـي
انتها الوقت وضرب فوق قافك صليب=السوالـف تراهـا ماتحجـا حجـي

صح الله السنتكم ويعطيكم العافية
لكم اجمل تحية

	المشاركة الأصلية كتبت بواسطة فايزموسى البشري

	صح الله السنتكم ويعطيكم العافية لكم اجمل تحية

صح الله بدنك الله لايهينك سعدنا بمرورك النير لاعدمناك

صحت السنتكم
والله يـعـطـيـكم الـعـافيـــــــــــة
بيض الله وجيهكم


تحياتي لكم

ليه يابو احمد رد وقفل الماضوع

عاشوالشعراء القروم وعاش الابداع الغير مستغرب منكم جميعا

	المشاركة الأصلية كتبت بواسطة خليفة المزروعي

	صحت السنتكم والله يـعـطـيـكم الـعـافيـــــــــــة بيض الله وجيهكم تحياتي لكم

صح الله بدنك وابيض وجه ياعزيزي خليفه المزروعي سلمت ودمت

	المشاركة الأصلية كتبت بواسطة ابومشاري

	ليه يابو احمد رد وقفل الماضوع عاشوالشعراء القروم وعاش الابداع الغير مستغرب منكم جميعا

ابو مشاري حياك الله والله مادري زميلي اعتذر مدامه اعتذر ماقدر استمر فالمحاوره
عاشة ايامك وطال عمرك سعدت بمرورك لاعدمتك والله يحفظك ويرعاك

تسلم ياابو احمد وخيرها في غيرها وبيض الله وجهك