لين العشار اللي تمخض بالارحام

اعزائى رواد هذا المنتدىhttp://www.alhroob.com/vb/showthread.php?t=10295
ردي على فليح هابس على هذا الرابط ورجو يكون راضي علي

حي الكلام اللي وصلني له أيام =من شاعر(ن) بيح خوافي كنينه
شاعر يجيد الحرفنه وعي واللهام=لاحرف المعنى خبيث الضغينه
وأهل القرايح يبيض الوجه صيام=مقفين عن هزل الكلام وسمينه
لكان أباخذ لي مع الدرب مجهام=وعلم اليقين اللي تجيبه جهينه
في شفرة (ن) تحتاج تشديد وادغام=واللي يبا المعنى يحل الرطينه
ياخذ ثلاث وست ويشدد الام =ويحط مفتاحه بوسط الخزينه
ويحط للخزنه حراسه وخدام=يعني مسلم لليدين الأمينه
لين العشار اللي تمخض بالارحام=يوضع ويعرف وش يسما جنينه
هذا الردود اللي تضمن نبا هام=يالشاعر اللي مايكيده سنينه
يافليح الهابس ترايه من العام=فراع هداد(ن) لعب به قرينه
خبل(ن) ظهرله بطن واكتفوف واخصام=وفراعة الرجال فالسوق شينه
لاكن مثل ماسلفت كلش له احكام=الاوله معروف سبقت ادخينه
والثانيه فيها الرجاجيل ماتلام=كل(ن)تعدي دون حلقه يدينه
هذا وأنا لي صاحب (ن) عنده اوهام = وأبا انحرف له والإله استعينه
يشيد بالعملاق ويطرري اقزام =واقول بعض الروس تحت المكينه
ماني ضحيه للنوادي والاقلام=من زارني في سو والله لاهينه
وجهتها للي يدندن بالانغام=في كل منبر ظاهر له رنينه
بينت له صوره بها بصمة أبهام=كان العظام اللي تشيله متينه

مع تحياتي(غازي مغيران الزغيبي)

الرابط الجديد
http://www.m-harb.net/vb/showthread.php?t=10295

صح لسانك واعتلى شانك وبيض الله وجهك على الرد الوافي...
يعطيك العافيه ... على القصيدة الرائعه....
لا عدمنـــاكـ وننتظر جديدك....
اخيك ابوروان

صح لسانك يالعملاق وصح لسان فليح ..

بيض الله وجهكم ..

ونحن بانتظار كل جديد من لديكم ..

بيض الله وجهك وصح لسانك مليون مره

صح لسانك اخوي الشاعر المبدع

الله يـعـطـيـك الـعـافيـــــــــــة على القصيدة الرائعه

بيض الله وجهك

العملاق صح لسانك ولسان الشاعر فليح مراسلة
جزلة من شعراء كبار أسجل إعجابي وتقبل تحياتي

صح لسانك ابو طلال وافية من رجل وافي وبيض الله وجهك

خفيفت الطرق دقيقة الإصابة في المعنى

لله درك


وصح لسانك

صح لسانك وسلمت يمناك ولاهنت على هالطرح الراقي

حضور بهي مفعم بالإبداع والجزاله

أبيات رائعه من شاعر عذب غارق باالاحساس

الشاعر العملاق غازي الزغيبي
صح لسانك واعتلا شانك
سلمت وسلمت يمينك وبيض الله وجهك كفيت و وفيت يابو طلال

وصح لسان الشاعر الكبير / فليح هابس

شكرا جزيلا لكم على ما امتعتونا بة من ابداع

بيض الله وجيهكم جميعا


وتقبلوا تحيات اخوكم / محمد الفالح