ولجل انت تلعب على المضمون ( مع الشاعر احمد الغانمي )

السلام عليكم

انقل لكم محاورة جرت بيني وبين اخي الشاعر احمد الغانمي

ارجو ان تحوز على إستحسانكم

هزيم الرعد=
بنشد عن الـدّر ويـن يكـون=دام الصفـا هزنـي طاريـه
ولجل انت تلعب على المضمون=يا ليت ناخـذ معـك صافيـه
احمد الغانمي=
يا صاحب الجوهر المكنون=ليل الصفا كلّنـا نشريـه
وعادتنا ما نجي من دون=نوفي مع الضيف ونوافيه
هزيم الرعد=
انا لهـذا الوفـا ممنـون=ماهي غريبة على راعيـه
كيف المصايب عليه تهون=اللي درس علم ومقرّيـه
احمد الغانمي=
الله مكلف بهـذا الكـون=وما صابه الحي ما يخطيه
وما دام عندك نظر وعيون=وضّح لنا الشرح لا تخفيه
هزيم الرعد=
آشوف بعض العرب يخطون=والعرف من منهجه لاغيـه
أصبح بعد غربتـه مفتـون=حتى تنكـر علـى ماضيـه
احمد الغانمي=
فالناس عقّال ما يرضون=تدرى على العرف وتداريه
واللي فدرب الخطا مقرون=لو يعرف الصح ما يمشيه
هزيم الرعد=
حول الهدف شفتهم يسعون=بسهام فيها الغدر ترميـه
السم وسط العسل مدفـون=وانته تعرف الـذي نعنيـه
احمد الغانمي=
حول الهدف لا تجيك ظنون=ما دام رب المـلا حاميـه
وإعلم بأن الحياة سكـون=وأحلامهم في بحور التيـه

صحت السنتكم وبيض الله وجيهكم على هذا الابداع الرائع

صح الله السنتكم ودمتم على العز دائماً
لحن راااائع بروعة حضوركم الجميل
كل التقدير والاحترااام

شاعرنا القدير هزيم الرعد وشاعرنا القدير احمد الغانمي


محاورة قمة فالمعنى والمبنى ولاغرابة وانتما طرفاها


تسلم على نقل هذه الدرر ياهزيم واصح الله لسانيكما


محاورة فوق التقييم

صحة الالسن محاوره من اروع مايكون

¨°o.O ( ×××××××) O.o°¨

صح لسانتكم كسرة رائعه
والله يـعـطـيـكم الـعـافيـــــــــــة
بيض الله وجهكم

إخواني الشعراء الكرام

اشكركم على تشلايفكم الصفحة وعلى إطرائكم الجميل