من هواجيسي ومن قلبي ومن هرجـة لسانـي

فيصل الرياحي=
من هواجيسي ومن قلبي ومن هرجة لساني=ياسلام الله عليكم ياحرسنا اهل الحميه
والتحيه للحضور امن العرب قاصي وداني=ماعلى صياف حتى الليل زين ولا عليه
صياف الحربي=
من هواجيسن تحرك من مكان اليا مكاني=مرحبا ترحيبت(ن) تفرح بها والنار حيه
الزمان الزين يطول ويتغير في ثواني=وانت لا ترتاع ثم اطيح من فوق المطيه
فيصل الرياحي=
امس يوم انا غزينا كلنا بالجب خاني=مالقينا إلا جرابع الحوم والراهصيه
انت خلك في مكانك وام انا ماسك مكاني=كلنا نعرف طبوع البدو رعيان(ن) رعيه
صياف الحربي=
الله اكبر لو تجينا بين رابغ وذهباني=ثم لا قالو من انتا قلت انا رجال عيه
ماعليك إلا تقول اسم(ن) بليته وابتلاني=عندكم ماهو صحيح وعندنا ماهو خطيه
فيصل الرياحي=
جيتكم ثم جيتكم واشتقتكم بالخيزراني=موتكم في كفي الايمن تربيكم ايديه
كلنا عيات يوم(ن) بنشنه والدم حاني=وانت حربي واجودي خلك بحضن الاجوديه
صياف الحربي=
والله انك رجل طيب مار فيك اعليم ثاني=بعض ماقالو تجيك الطيبه تعطي رديه
مانطيعك لو حضرت المحاله والسواني=يدك مخلوقه مع العالم ورجلك ساحليه
فيصل الرياحي=
عينك اليمنه كفيف وكيف باليسرى تراني=روح دورلك سمك فبحر ولا تزمر عليه
الامانه ليه تعطيها مضيعت الاماني=العرب تحرص عليها وانت تعطيها هديه
صياف الحربي=
واوجودك وجد شيخ(ن) طاح من فوق الحصاني=كل ماشفت السمك مديت كفك له شويه
منتا من ربعي ولا خالي ولانتا من خواني=خلني فالبحر في شوال ولا فالضحيه
فيصل الرياحي=
ماسمعت امن البقوم إلا قريزي ورحماني=اعترفت ولا بقى عندك من الدعوه دعيه
اعتقد قلبك على اللي من ورى الطايف دعاني=لين لبستك ثياب الغبن طيه فوق طيه
صياف الحربي=
ماعرفت إلا السمان إلا فطاحيهم سماني=مار صوتي من عباد الله ينقصهم شويه
انتبه للخيزانه يافلان بن فلاني=قبل تدخل وسط عينك وانت ماعندك ذريه
فيصل الرياحي=
عود الخمسك ثلاثه وعود العشره ثماني=والله انا في حلوق اهل القشر مثل الذريه
في نهار الهوش ماتنفع يدين المسلحاني=مايشاف إلا بثوب العيد إلا في عيد الضحيه
صياف الحربي=
انت فالكرتون والكرتون في وسط الاواني=لو يلقاك المدور قال وش هذا البليه
اربعه واثنين منكم في ارمضان وفي شعباني=ياكلون ويشربون وذمتي منهم بريه
فيصل الرياحي=
انت في روس الجبال الحمر تلعب بالغواني=ترفعك قمة كرى وتشوف بنيان الحويه

هذي المحاوره موجوده عندي صوتيه وان شاء الله احاول انزلها

هنااااااااااااااااا الابداع

هناااااااااااااااااا صياف الحربي

فارس حرب

شاعر حرب

الله يطول بعمره وعمر شعارنا الباقين

راشد السحيمي

وعلى الحصني

والهاب الوسدي

أبو روان مشكور على مجهوداتك الغير مستغربه
والحقيقه محاوره قمه وشعراء قمه

بيض الله وجهك يابوروان

وصح لسان الشعار

بارك الله فيكم جميعأ على المرور

بيض الله وجيهكم


اخيكم ابوروان

بيض الله وجهك يابوروان

وصح لسان الشعار

صح لسان الشعاااااااااااااار

بارك الله فيكم على المرور ...
يعطيكم العافيه ...
لا عدمنـــاكـم....
اخيكم ابوروان

صح لسان الشعاااااااااااااار