أنا طرقي ومعي بدره توصلني لمقصودي

السلام عليكم

سلام الله على الحضار والشعار بالطيبه =وأنا طرقي ومعي بدره توصلني لمقصودي
صدفت السوق وأهل السوق كل(ن) محتمي جيبه=وكل ن دون مجهوده وأنا بعزمي ومجهودي

عليكم السلام ورحمة الله

هلا يامرحبا واللي خطر لك يارجل جيبه=وكلٍ ياوسيع المعرفه له حد محدودي
صدفت السوق مار السوق غالي كيف تشريبه=مدامك ماانت تاجر مامعك عمله والانقودي

نقول إلك البقا ياضلع نايف عاو(ن) ذيبه =على الطالات أناوأنته وحبل العز معقودي
صدفنا السوق وأثر السوق فيه الشك والريبه=وأنا أشري بالأمانه والأمانه سعرها يزودي

ياهلا بالشعراء وصح ألسنتكم

ترى ما كل من يرم الهدف بالبرنو يصيبه=وأبه رامي مايخطي للهدف ويسود ويرودي
ولاتلحق سوقنا شكٍ وريبه وأنت تمشي به=وترى راع الأمانه بالأمانه رجل محمودي

صح لسانك شاعرنا

صح لسان كل من الشاعرين على هالطاروق

	المشاركة الأصلية كتبت بواسطة أ-سلطان الحربي

	صح لسانك شاعرنا

صح بدنك وقلبك يالغالي

أنا ماني بحاذف بيتي المعمور وأغريبه=ولامشي في طريق ن مامشوه الناس مسدودي
تعال أنظر معي وأشهد على التاجر وأكاسيبه=بيارق نصبوها أشباح والمركب بلا جودي

	المشاركة الأصلية كتبت بواسطة محمد راضي العريمه

	صح لسان كل من الشاعرين على هالطاروق

صح بدنك وقلبك يالغالي