محاورة .....

محمد البدراني=
سلام يا عتيبه وانا ضيفاً جديد =سلام منـي والسـلام نقدمـه
يا عتيبه الهيلا انا سيفي حديد =والى لقيت الذيب سيفي يقسمه
كائد الاحرب=
يامرحبا بالضيف والعلم الوكيد =والضيف لاجانا نقوم ونكرمه
ياراعي السيف انتبه لبن الوليد =تراه لاقضب الرجل مايرحمه
محمد البدراني =
عساك يا الاجرب تفيـد وتستفيـد=والضيف ماهو ضيف حتى تتطعمه
سيف الوليد اقص به اكبر شديـد=والا وانت سيفك من زمان مسلمه
كائد الاحرب =
أنا مدير البنك واسحب من رصيد =ماني فقيرٍ سـارحٍ عنـد غنمـه
وين انت يومني بغيتـك ياعبيـد =غطت عليك العصر عجه مظلمه
محمد البدراني =
انا ترى ماخاف من كثر الهبيـد =وراع الرصيد اليوم فاضي محزمه
انا انتظرتك مير ماجانـي مديـد =غطى عليك النوم في وسط أعسمه
كائدالاحرب=
الله يزيدك طيب وتعود شهيد =لامات ميت قالو الله يرحمـه
لاتنتظرني نادني ماني بعيـد =خلك شجيعٍ مثلنا مانت ارخمه
محمد البدراني=
لاشفت حربي لا تعانـد ياعنيـد =خلك كما الخفاش في وسط السلمه
حنا سوات الموت في وسط الوريد =لاشافنـا الرجـال مايفتـح فمـه
كائدالاجرب=
وانعم فيك اصبر على حر وجليد=لاكن ابا ادخلك وسط المفحمـه
وحنا على العدوان نارٍ من وقيد =كم واحدٍ لاشافنا ضـاع أنسمـه
محمد البدراني=
مافي زودن عنك والمعنى سديـد =ادخلك في جحر ضـب وتلزمـه
والله مدري وش تجيب وش تصيد =الحبل ترخيبه ونوباً تبرمـه

شكرا ياواحد من حرب على هالنقل المميز
محاورة رائعه
تقبل خالص تقديري لك وحترامي

مشكور ياواحد من حرب على هذا الاختيار
وصح لسان العتيبي ولسان محمد البدراني

صحت السنة الشاعرين محاورة ممتعة
كل الشكر يالغالي

يا سلام ومشكور على النقل

الله يعطيك العافيه
بيض الله وجهك

شكراُ لكم على مرور متصحفي ودمتم بخير وعافيه انشاء الله