(( إنطح خصم عنتر إذا كنت نطــّاح ...)) ...

(( بسم الله الرحمن الرحيم ))

يامعشر الشــّـعار عندي نصيحه=نشرتها (+(بالملتقى)+) لأجل الإيضاح
بعض الكلام أقول ما نستبيحه=ليا صار ما يبنى على صرح الإصلاح
واللي يصدّر من مصادر شحيحه=لو قلت له سكــّــرْ مصادرك وإرتاح
جاك الكلام اللي مليحه قبيحه=وإنطح خصم عنتر إذا كنت نطــّـاح
كم شاعر ٍ يحسد بقوّ القريحه=لكنــّها خلقت على خف وإجناح
إن قام قـَوْمـَـه طاح تسعين طيحه=وإن غبت عنه إغتاب وإن جاك مدّاح
دايم يهز الراس مع كل صيحه=لا قايل ٍ مــُــوْدِهْ ولا قايل ٍ تاح
يومي براسه مثل راس الذبيخه=ومبرمج ٍ سـِـلفه على كل مفتاح
ويقلــّـط المتردّيه والنــّـطيحه=والمشكله نصف الجماهير جمــّــاح
بعض المجامل للمجامل فضيحه=والنــّـقد والنــّـقــّــاد بالمجتمع (باح)
هذا وأنا ما عم كل الشريحه=كم واحد ٍ ذوقه يدلــّــك للإنصاح

(( زيد بن مبشر الحثل الحصني الحربي ))

صح لسانك

وسلم بوحك

وبيض الله وجهك

صح لسان الشاعر زيد بن مبشر الحثل الحصني الحربي

وبيض الله وجهك على النقل

صح الساان الشاعر الكبير زيد بن مبشر الحثل الحصني الحربي

والله يعطيك العافيه يابن القبيله على النقل

صح لسان شاعرنا الكبير زيد بن مبشر الحثل الحصني الحربي

والله يعطيك العافيه على القثصيدة الجزله والرائعه

بارك الله فيك

صح السانك وعلي شانك وبيض الله وجهك

صح لسان الشاعر

و بيض الله وجهك

الأخ ابن القبيله
مشكور يعطيك العافيه
ماقصرت بيض الله وجهك
قصيده رائعه ونصيحه ثمينه صح الله لسان الشاعر القدير

زيد بن مبشر الحصني الحربي

وبيض الله وجهه
تقبلوا تحياتي
ودمتم بخير