سداح العتيبي يرثي صياف الحربي

السلام عليكم
هذه قصيده للشاعر سداح العتيبي
يرثي بها شاعر الخليج صياف الحربي رحمه الله رحمةً واسعه

	والله ما ألوم الشّعر يا بادع القـاف لو تلبس بحـوره ثيـاب الحـدادي عليه سوق التعزيه .. حقّ وإنصاف فقـد مـن الشعّـار راع الـشـدادي جلل مصابه ميـر للولـف ميـلاف واشيب عين اللي يصيـح وينـادي والموت لو تلغيه وقفـه ومحـراف يرسل عليه من الحـدا كـل حـادي لاشكّ حقّ .. وسنّة أسلاف لأسلاف حكم بهـا المعبـود فـوق العبـادي لا والله ألاّ راح محمود الأوصـاف النادر اللـي سـاد بالمجـد سـادي عز الله انه معتلـي كـلّ مشـراف ركن ٍ من الأركـان ماهـوب عـادي راسه عريب وحر وثيابـه نظـاف ووجهه طليق ولا غشـاه السـوادي أسس مبادي تجمع أشكال وأصناف ومشا عليها مـن يحفـظ المبـادي شاعر وله عند اللوازيـم ميقـاف علـم ونـاره مـا تعـوّد رمــادي تنعى شبابه كلّها نسـل الأشـراف صياف ابـن عـوّاد موتـه وكـادي يبكي عليه الشعـر والدمـع ذراف وتنعاه كل الخلـق حضـر وبـوادي طاح الجمل يا سايق ٍ حمّ الأشعاف عقـب السحابـه سيّلـت كـل وادي ندعو له اللي سنّ للموت خطّـاف اللـي عليـه الـرزق والإعتمـادي عساه في الفردوس وحموله خفاف تطرق على وجهه هبـوب البـرادي والله يعين الشعر ويصبـرّ القـاف ويجبر صواب أهل السيوف الحدادي والملعبه من عقب مطلق وصيـاف تخاطفوهـا جامعيـن الــدوادي !!

وعليكم السلام ورحمة الله
وصح السان شاعرها وناشرها
ورحم الله شاعر الخليج / صياف الحربي

والملعبه من عقب مطلق وصيـاف =تخاطفوهـا جامعيـن الــدوادي


صح لسانك و بيض الله وجهك

و رحم الله شاعر الخليج / صياف الحربي و الشاعر الكبير / مطلق الثبيتي

ورحم الله والديكم وصلح ذريتكم وشكراً على المرور الكريم

وصح السان شاعرها وناشرها
ورحم الله شاعر الخليج / صياف الحربي
وسلملي على سداح العتبي بلمرقاب

رحم الله ابوفليح