البدو قامت تزور و الحضر زورت= الله يعز اصلنا اللي جابنا جابنا

محاورة بين شاعر الخليج/ صياف الحربي "رحمه الله" و علي الحصني

علي الحصني=
يازين ليل المعزة و انورت و أسفرت= بعد اجتمعنا و جيناكم بميعادنا
به ناس تدري و ناسٍ باقيه مادرت=صياف ملحه لزاده ماملح زادنا
شاعر الخليج=
البدو قامت تزوَر والحضر زورت= الله يعز أصلنا اللي جابنا جابنا
أم الاجاويد كانت مسلمه و أكفرت=بالله لاتصل دلتنا و برادنا
علي الحصني=
خابرك تزعل ليا أوحيت السباع أقنبت= لكن ميلادكم من بعد ميلادنا
أهل الحسد في طريق أهل الوفاء وقفت=لكن يالله تزيد الخير فبلادنا
شاعر الخليج=
أعيونكم نايمه و إقلوبكم مادرت=حنا ترانا نشب النار بزنادنا
يا أهل الخشوم الكبار أخشومكم خنفرت=و اللي يسوق الجمال و ياصل الماد أنا
علي الحصني=
اعيوننا صاحية و أقدامنا وقفت= وأن كان ما أنت مصدق عادنا عادنا
أذكر وليك بعد لحيتك ماشيبت=أنكان عاندتنا يامأصعب عنادنا
شاعر الخليج=
عز الله ان السوالف ناحرت ناحرت=لكن ماهمنا واحد من أولادنا
علي الحصني=
...........................................=أشوف صياف ماهو مطلق إشدادنا
الناس باعت بسوق المعرفة و أشترت=عيد الضحية نعده ثاني أعيادنا
شاعر الخليج=
أنتم عيال البدو و جمالكم بركت= لكن بعض العيال إليا تكلم دنا

للأسف بيت صياف محذوف من المحاورة بفعل فاعل .. لأنني سبق أن وجت المحاورة كاملة مسبقاً

يا سلام محاوره قويه
رحم الله صياف وطال عمرك ياعلي الحصني

مفراص مـــاص

مشكور و صح لسان شاعر الخليج

و علي الحصني

مفراص ماص
لك جزيل شكري وتقديري
لاهنت الله يعطيك العافيه
صح لسان الشاعر الكبير على الحصني
ورحم الله شاعر الخليج صياف الحربي

محاوره قويه

رحم الله صياف وطال عمرك ياعلي الحصني

لاهنت على النقل

بارك الله فيك

الله يرحم ابوفليح


ويطول عمر شاعرنا المبدع علي الحصني

محاورة قوية وجميلة بن عواد هرم الشعر رحمه الله وشاعرنا علي ماعليه قصور .. تسلم يامفراص

يا سلام محاوره قويه
رحم الله صياف وطال عمرك ياعلي الحصني

مفراص ماص مشكور على النقل
ويجب الاهتام وتنسيق المحاوره بشكل افضل

--------------------------------------------------------------------------------
يا سلام محاوره قويه
رحم الله صياف وطال عمرك ياعلي الحصني