غير مسجل بين (الشاحن) وغازي الزغيبي

الشاحن

ياأهل اجهزة الحفـر قومـو بجولـه= دورّو طيري تـرى نفسـي غبنهـا
يشكي اللي ضاع طيره وافزعو لـه= من سمع شكواي يفزع في ضعنهـا
ضاع طيره منـه بجولـه وصولـه= زاد نفسـه هـمّ بالهـم وشحنـهـا
واصـلٍ دارٍ الحجـر تنبـة احقولـه =واهنـي اللـي رحـل لدبـي عنهـا
المـواتـر كلبـوهـا ماتـطـولـه= والهجن عيـا عليهـا مـن هَجَنهـا
جعل وبل الوسـم ماتسقـي نزولـه =مايجيه اللـي العواصيـف تهجنهـا
يشتكي لي مـار ماهـي بالسهولـه= أرض لا أعرفها و لاعرف من سكنها
قـوم يالعمـلاق ياولـد الحمولـه =يوم تـدري بالديـار ومـن سكنهـا
مر ابـو ذلـول ثـم اركـب ذلولـه =خلها تركض وطـوّل فـي رسنهـا
والخبر عطنيه فـي حـزة وصولـه= دون خمس أيـام لاتحـرف رسنهـا
وان لقيت الطيـر لاتعلـن عقولـه =ولك هديـه عندنـا غالـي ثمنهـا

عازي

المنادي يسمعه من كـان حولـه= والاوادم يارجـل تومـر وتنـهـا
انت رجلٍ للخطـا نفسـك ميولـه =وقبل هاذي ذيـك ماسـدد ثمنهـا
والشكاوي عند بعض الخلق سوله= سولهً بانت وسـادت فـي زمنهـا
كان طيرك ضيعته فيـك معمولـه =يعلـم الله علـم مانقـف بجهنهـا
وكان طيرك ضيعته من ضيق جوله= لاتسب اللي جبـر عظمـك لبنهـا
مار مابـه فـي يديـك الا نقولـه =والحمامه مـن بعدهـا مايامنهـا
فكـه الله مـن رباطـه لا يغولـه= وانطلق في ساعهٍ وين أنت عنهـا
تحسب انّ الفارسـي لادار حولـه =مثل ذيك اللي تزغرت فـي لحنهـا
جازل الموضوع لاترجـي حلولـه =هيه يالشاحن تراك بـراس منهـا
جاك ردي واستلم منـي عمولـه= من جنيهـاتٍ لهالوقـت نخزنهـا
بيني وبينك على كـاس البطولـه= انتزعهـا كلهـا مليـت منـهـا
من وجيهٍ مثـل ماقيـل مغسولـه= ضيّعـوا كـل الحيـاه ومتزنـهـا
عهدنا بأفكارهـم يـوم الطفولـه =يوم من مر الشـرارة مـا دفنهـا
منهم اللي سب لـه رجّـال دولـه =من صواريم الحرار وديـر عنهـا
فيه دين وصدق وإلهـام ورجولـه =وسفرةٍ ترمى الذبايح في صحنهـا
طيع شوري واحتفظ علـمٍ نقولـه= لانوريـه الجنـازة فـي كفنـهـا

الشاعر العملاق غازي مغيران الزغيبي


بيض الله وجهك

ووجه الشاعر اللي مرسل القصيده

عمالقه الله يعطيكم العافيه

ابداع شعري قل من يجيده

لله دركم وبيض الله وجيهكم

وصح الله السنتكم

لكم جميعاً اجمل التحايا

ودمتم بالف خير

الشاعر العملاق غازي مغيران الزغيبي
صح لسانك وبيض الله وجهك

وصح لسان الشاعر الشاحن


يعطيك الف عافية اخوي حمد على المشاركة الحلوة

تحياتي

الشاعر العملاق غازي مغيران الزغيبي
صح لسانك وبيض الله وجهك

وصح لسان الشاعر الشاحن


وبيض الله وجهك اخوي حمد

تحياتي وتقديري
عاشق بريده

/
.


السلام عليكم


صح لسان الشاعر / غازي الزغيبي


والف شكر لك اخي حمد النويمي
على هذا الجهد المبارك


تحياتي لك



:
.

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي

الشاعر العملاق ابوطلال غازي الزغيبي

صح لسانك

وبيض الله وجهك يالغالي

والف شكر لك اخي حمد النويمي على النقل

اخوك
سلطان

الله يـعـطـيـك الـعـافيـــــــــــة


اخـوك الـحـب الـبـاقـي


دمت بخير

0
/

صح لسان الشاعر العملاق


و مشكور يالنويمي

/
0