لك في القمر عبرة ، قصيدة

السلام عليكم ورحمة الله وبركاته
قصيدة لها مناسبتها

نرفزت هوجاسـي وزلزلت زلـزال
وهيضتني للقاف يا ابن الحلالـي

على صدى ماقلت جريت مـوال
يا شاعـر توصـف بـراع الجـزالـي

قليـل مثلك يطـرب الناس لا قـال
مختـص في جمـع الـدرر واللآلـي

سلمت يمين معـرب الجد والخال
لـلــه درك يــاكــريــم السبـــالــي

الله خلق خلقه على عـدة أشكال
سبحـان خالقهم عزيـز الجـلالي

تقابل من النـاس طيـب وبطـال
وتلقى الردي فيهم وتلقى رجالي

وصريح ومجامل وناصح وختال
ومخادع و وافـي وراع إحتيالي

أنـواع مختلفه على كل الأحوال
الكـل منهـم يشتهـر فـي مجـالي

ياليت ربي حط بوجيه الأنذال
عـلامـة يعــرف بهــا مـاتـزالــي

إن كان وقتك يابن الأجواد بك مال
خلـك على ماقيـل صـدرك شمالـي

دنيـاك هذي ما أستقرت على حال
تقفـي وتقبـل من عصــور خوالـي

إذا انتحت تبكي وتضحك بالإقبال
ودوام حــال الحــال فيـها محالـي

لـك فالقمـر عبــرة بـداياتـه هـلال
وإذا أكتمـل يرجـع لطـور الهلالي

صح السانك اخي البيرق قصيده جزله
فيها معاني رايعه وفيها كليمات يستفاد
منها وهي نعتبرهادروس من مدسة الحياه
هذاودمت بخيروعافيه

قصيده جزله يالبيرق
صح لسانك

الله يعطيك العافية يبن عمي

	المشاركة الأصلية كتبت بواسطة محمدالعيسى

	صح السانك اخي البيرق قصيده جزله فيها معاني رايعه وفيها كليمات يستفاد منها وهي نعتبرهادروس من مدسة الحياه هذاودمت بخيروعافيه

صح بدنك اخوي محمد
الله يعطيك العافية
تحياتي ياغالي

	المشاركة الأصلية كتبت بواسطة شموخ السلاطين

	قصيده جزله يالبيرق صح لسانك الله يعطيك العافية يبن عمي

صح بدنك
كلك ذوق ياغالي
الله يعافيك
تحياتي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك
الله يعافيك و وجهك أبيض
تحياتي

مناسبة القصيدة
هذي القصيدة كتبتها قبل سنة مجاراة للشاعر محمد عيسى الحنيني اللي يقول في مطلعها
دنياك دورتها تباشير وأهوال ... ياللي لفتك أهوالها ذا مقالي

وهي موجودة في التعليقات على فيديو الشيلة تحت معرفي بيرق

https://youtu.be/_dIC6ipOYjA

ان كانت هذه قصيدة اصطلاحا
الا انها عقد من اللؤلؤ والدر والالماس و الانواع النادرة من الاحجار الكريمة النفيسة
لاجديد
ابداع يتكرر من شاعر الفن و الابداع والجزالة
البيرق
شكرا لك لقد امتعتنا واطربتنا وعدلت امزجتنا
واعدت ضبط اسماعنا وادمغتنا لما كنا نقراءه من شعر المعلقات
والشعر الجزل في مختلف الازمان جاهليا واسلاميا وحديث
صح لسانك وسلم فكرك وبنانك

	المشاركة الأصلية كتبت بواسطة حسيـن

	ان كانت هذه قصيدة اصطلاحا الا انها عقد من اللؤلؤ والدر والالماس و الانواع النادرة من الاحجار الكريمة النفيسة لاجديد ابداع يتكرر من شاعر الفن و الابداع والجزالة البيرق شكرا لك لقد امتعتنا واطربتنا وعدلت امزجتنا واعدت ضبط اسماعنا وادمغتنا لما كنا نقراءه من شعر المعلقات والشعر الجزل في مختلف الازمان جاهليا واسلاميا وحديث صح لسانك وسلم فكرك وبنانك

صح بدنك
والله يعطيك العافيه
وشكرا على الإطراء
تحياتي