محاوره محمد الجميلي تركي الشيخ

ياسلامي برده حسـب سلـم العـرب =ردةٍ ظافـيـه والطـيـب عنوانـهـا
من يجيني واشب النار فوق الحطـب =تعمـي القـوم شعلتـهـا ودخانـهـا
مرحبا فيك يالطيب عريـب النسـب =سرها والعرب ندري عـن أوطانهـا
أنت شبيـت نـارك واللهب يلتهـب= إنتبـه لايـزود تــروح عيدانـهـا
من يريد الذهب يتعب لكسب الذهـب =ولا يجيب المراجـل غيـر عمانهـا
بين وجه السليم وبين وجـه الغضـب =دارت المعركـه واشعلـت نيرانهـا
الذهب عندنا موجود حسـب الطلـب =نصرفه نصرفـه كلـه علـى شانهـا
لايهمك تـرى الايـام فيهـا العجـب =نعرف سهولهـا ونعـرف ضلعانهـا
كل من قام يحفظ فـي كتـاب الأدب =قال أنا شاعـر الساحـة وسلطانهـا
قامت العقربه تركـز بـراس الذنـب =عانهـا يالجميلـي شـوف كرعانهـا
مايشيل الشداد اللـي يشيـل القـرب=والجمـل حملتـه مامـال ميزانـهـا
إسرج إخيولها وتشوف فعل السكـب=الأصيلـة تميـز وســط ميدانـهـا
مايعرف العنـب ياكـود راع العنـب=إقلع الشجرة اللـي مالـت أغصانهـا
كيف أجنب وسيفي وسط كفي حـدب=والخيول الأصيلـة جوك فرسانهـا
ويش رايك نغرس الشجرة أم الرطب=وأنت تقطف ثمرها لزهـت ألوانهـا
تو ما شفت بالناقة مـواري الجـرب=يالله إستر علـى الذيـدان بارسانهـا
زارع الي مطب للناس واكبر مطـب=ابعـد ابعـد عـن الفتنـه وشيطانهـا
اليتامـى ثلاثـه كـان تبغـى اللقـب=عانها اطيور شلوى قـص جنحانهـا
إنتبـه للمطـب إن طحتبـه تنقـلـب=خايف إنك تطيـح وتصبـح أوزانهـا
أبك أنا قد وصلت وفزت باعلى الرتب=والعرب تتشـوف الـدرب باعيانهـا
لاتغمض عيونـك لاتصـك الهـدب=يالله استر على الاجواد في اوطانهـا
ما لقيتك مع الاجواد فـي المنتخـب=من يقـود الكحيلـه يمسـك اعنانهـا

ياسلام ياسلام على الابداع

صحت السنتكم مليون


وبيض الله وجيهكم

الله يـعـطـيـك الـعـافيـــــــــــة
بيض الله وجهك

مشكور يعطيك العافيه على النقل الرااائع

محاوره رااائعه لشاعرين قديرين

بيض الله وجيههم وصح الله السنتهم

تقبل تحياتي

ودمتم بخير

الاخ : روح القصائد
بيض الله وجهك
و صح لسان الشاعرين / محمد الجميلي و الشاعر / تركي الشيخ