(بشّر بها بشّار واخـذ البشـاره=لابد له وان طال يسقـط نظامـه )

/
/
/
/
/
/
/
/
/
/
/
/
/
/
/
/
/
/

بدع الشّاعر / خالد بن عبيد الاحمدي=
في حيرة المومن صلاة استخاره=تنبيه وين الخير لو فـي منامـه
وصل استخاره قبل كل استشاره=وان كان ربّك يسّر امرك كرامـه
واسبق من اللي ترتفع من مطاره=طيّارتـه بالجـو عليّـة غمامـه
كبتن يقـود الطّايـره بالجـداره=علم ودرايـه زادهـا باهتمامـه
واثق به امخاويه قـدر اقتـداره=جاته طمانينـه وجـوّد حزامـه
والامـر لله والنصيـب بقـراره=يضفي على المومن ثياب السلامه
اسبقه يامحمد زبـون الشّطـاره=يارجل عند النّاس شاف احترامه
جتك المهمّه وانت فيك الامـاره=مندوب للمعروف يـازن كلامـه
ولمهمّة المعروف قدح الشّـراره=امسك طريق الشّام لجل الشّهامه
خذها عبارة صـدق ودّ العبـاره=للظّالم المجنون واحقـر مقامـه
بشّر بها بشّار واخـذ البشـاره=لابد له وان طال يسقـط نظامـه
ضلاّ مخيّر مير شـان اختيـاره=بين السّلامه والخطـر بالهيامـه
واليوم ماله خيرة ٍ فـي مسـاره=انهايته قشـرا وقـرّب عدامـه
فالسّاعه الوحده يـودّ انتحـاره=الفين مـرّه منخـزي بنهزامـه
وكلّ السبب جوره وظلمه بنـاره=فالشّعب الاعزل كم تسلّط رخامـه
ملزوم في دنيـاه يلقـى دمـاره=وله موعد ٍ يلقاه يـوم القيامـه
ولابد للمرسـول يرجـع ديـاره=مادامه المكتـوب تـمّ استلامـه
ترجع لنا سالم وصنت السّفـاره=كافي موفّـي ياعـدو الغشامـه
هذا وصلّي عـد مـن عـزّ داره=على النّبي قدوتـك بالاستقامـه
ردّ الشّاعر / محمد حجيّج الاحمدي=
يامرحبـا والبـنّ شبيـت نـاره=من وارد الرسلان فيه العلامـة
لاتوصّي الرّجال يحفـظ عقـاره=يشري ولا يبغى العذر والملامـة
أصل الصلاة في كل حزه شعـاره=يبني بها دنياه يلقى سلامـة
ومن هو ترك لله أمـر اختيـاره=لا مايضيع ولا تجيه النّدامه
الواحد الفرد الصمد عـزّ جـاره=العادل اللي فرضّ نسمـع كلامـه
الشام في يدّ النصيـري خسـارها=شعل فتيل الحرب بيّن سهامـه
الشّام مرتع من قبـل للحضـارة=واليوم فيها الموت في كـل هامـه
دكّ البيوت وناشر في كل حـاره=أشباح من جنسه شراهـم نظامـه
رصاصهم عود عليهـم حجـاره=والشعب ماتفرق معاهـم صدامـه
دكتور فالأجرام غيـّر مسـاره=لابد له من يوم تطحـن عظامـه
أعطاه ربـي ليـن زاد بحقـاره=طغيان خلا الناس تسكن ظلامـه
مافاد كوفـي فـي ثنايـا قـراره=ابليس يدعمهم وراع العمامـه
جاه الخبر من عندنا فـي عبـارة=إعـلان مـن حكّامنا باليمامـة
اما يغادرهـا ويطف الشّـراره=ولا مصيره مثل راع الزعامـة
لو عاش مهما عاش ريّس في داره=حان الأوان نشوف لحظة ختامـه
يفضح على روس الخلايق بعـاره=ويعيش باق العمر مثـل النعامـه
ناموسـة النّمرود والسـد فـاره=عبرة لمن ضيّع وعاش بحرامـه

صحــت السنتكــم
دمتم برعاية الله وحفظة

صحت السنتكم
والله يـعـطـيـكم الـعـافيـــــــــــة
بيض الله وجيهكم

	__________________ «®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•° ®» __________________

صحت السنتكم وبيض الله وجيهكم على هذا الابداع الاروع من رائع

صحت السنتكم وبيض الله وجيهكم


لكم تقديري

صحت السنتكم

دمتم ودام شعركم وبوحكم

فهد الغانمي
صح بدنك

صحــت السنتكــم
دمتم برعاية الله

صحت ألسنتكم جميع
وبيض الله وجيهكم

والله ينصر أهل السنه في كل مكان