مجارة لقصيدة الشاعر كعام العايل(يوم هل الهدب ماك)

البَارحَة مرَّت عَلَى البَال ذِكراكــْ
وأنَاأحْسبنّي طُول هَالوقْت ...نَاسيكــْ



أَثْركـ فِي قَلبِي والمشَاعِر تَحرّاكــْ
واثْركـ فِي عِينِي وين مَاآلدّ ... أراعيكــْ


أَصْعَب عَذَابَ الحُبّ فَرْقَى اللّي يَبغَاكــْ
وأنْتَه تَبيه وْ تَوَّهتبِكـ خَطَاوِيكــْ

ياَ مضيّعتني وينَهَا اليُوم دِنْيَاكــْ؟
يَا سَاكنَة بالقَلْب وينِكـ ؟وينكـ ؟وآنَآآآ آجِيكــْ

لَجْلِكـ يهُون الدّرب لو كلّه أَشْوَاكــْ
لَجْلِكـ لَبِيْع الدّار والنّاس واشْرِيكــْ

عِهْدِي بزُولكـ .. [يُوْم هلّ الهَدَبْ ماكــْ]
واقْفِيتِي وانْتِي ..تَمْسحينه بَيَادِيكــْ

كل اللي سويته ماغير أرقب اخطاكـ
رافع يدي مابين أودِّع وأنااااديكـ

حتى اتقيتي وأقبل الليـل وأخفاكـ
والعالم الله ليــّل بعيـن مغليـكـ

الابيات السابقة للشاعر كعام العايل ابيات رائعة رائقه عذية رقراقه
تعزف على اوتار القلوب وتثير الذكريات والشجون لم نتمالك انفسنا
من مجاراته وارجو ان يتقبل مجاراتنا المتواضعه لأبياته الرائعة

يا طيب المبدأ على الطيب مبداك=يا اللي على رأس المعزه مباديك
يعجبني المعنى لمثلك وشرواك=وليا قريت القاف ودي أجاريك
قافك جميل ورايعن كل معناك=ماعذربه من حط بالرأس تشكيك
لولاك مانكتب من القاف لولاك=أسمح لي أجاري لروعة معانيك
يا مل قلبن فيه عشرين دكاك=لا نامت العالم لفتني دواكيك
ليلن طويل طال بالليل مسراك=ياقلب قلل بالليالي مساريك
لاضاقت الحيلات ودارن الافلاك=أعلم ترا ربك يغوثك وينجيك
حبل الرجا لامن تقطع به اسلاك=ربك كريمن تلتجي به ويحميك

صح لسان الشاعر نادر النادر, وصح لسان الشاعر كعام العايل, بصراحة قصيدتين جميلتين:

	المشاركة الأصلية كتبت بواسطة ابوفهد الحربي

	صح لسان الشاعر نادر النادر, وصح لسان الشاعر كعام العايل, بصراحة قصيدتين جميلتين:

ابو فهد
صح بدنك
وبيض الله وجهك على المرور الرائع
وكل الشكر والتقدير لنبيل المشاعر

لاخاب منهو للجزيلات ضراك
..............................ييللي على روس المعالي مرابيك .
أهـلا هـلابك ياهلابك وحيـاك
.............................مثلك يشـرفني ليـا قـال أجـاريـك .


أخوي النادر صح لسانك وكفانا الله وإياك شر داكوك ودكاك هههه

وبيض الله وجهك على هذه المجاراة

ويعلم الله إني لـ سعيد بها ولـ فخور بها كذلك

خصوصا وأنا كاتب للشعر ولست بشاعر

ومجاراتك هذه تدل على أريحيتك وطيب خلقك

ولاعدمنا تواجد أمثالك في الحياة

	المشاركة الأصلية كتبت بواسطة كعام العايل

	لاخاب منهو للجزيلات ضراك ..............................ييللي على روس المعالي مرابيك . أهـلا هـلابك ياهلابك وحيـاك .............................مثلك يشـرفني ليـا قـال أجـاريـك . أخوي النادر صح لسانك وكفانا الله وإياك شر داكوك ودكاك هههه وبيض الله وجهك على هذه المجاراة ويعلم الله إني لـ سعيد بها ولـ فخور بها كذلك خصوصا وأنا كاتب للشعر ولست بشاعر ومجاراتك هذه تدل على أريحيتك وطيب خلقك ولاعدمنا تواجد أمثالك في الحياة

كعام العايل

صح بدنك ووجهك ابيض
والله لايهينك على حسن التفاعل وطيب التجاوب
الذى يدل على طيب معدنك وكريم اخلاقك ورفيع ذوقك
دمت بخير

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

صح السانك اخوي,,,,
قمة فاللذوق,,,,,

,,,,,,,,,,,,,,,

صحــت السنتكــم
دمتم برعاية الله وحفظة

صح لسانك

مجاراه رائعه

الله يعطيك العافيه

صحت السنتكم وبيض الله وجيهكم