ردي على قصيدة الشاعر القدير عيسى العوفي

هذه قصيدة الشاعر الاخ عيسى العوفي

يالله عسى المزنه اللي هـل ماطرهـا=تسق الحسا والجبيـل ورأس تنـوره
من شان عين بذيـك الـدار خابرهـا=ياعلها مـن عـذاب النـار ماجـوره
اللي على شانها ومن شان خاطرهـا=صغت القصائد تجسّد للغـلا صـوره
لاتلومنـي يانـداء يـوم اتذكـرهـا=وان صحت لاتقول عيسى فاقد اشعوره
بالفكـر آعـد المسافـه واتصورهـا=وجر لـي ونـة بالصـدر محشـوره
احداث من واقعـي مانـي مفسرهـا=قصة غـلا خلهـا بالقلـب مستـوره
طـواري بالحشـا مانـي بحاصرهـا=وافكار تلعب بقلبـي لعبـة الكـوره
عجزت ياخـوي اجمّعهـا واكسّرهـا=حطيت لي في محيط الراس سبـوره
اقـدار ياصاحبـي ربـي مقـدرهـا=والنفـس لاشـك منهيـه ومامـوره
ادعـي لهـا الله يوفقهـا ويسترهـا=حيث انها النـادره بالخيـر مذكـوره

وهذا ردي على هذه القصيده العذبه

يالله ياوامر المزنه وصاخرها=تامر مطرها على دارٍن لاخو نوره
والريح يامسيّر الارياح تامرها=تهب شرقية(ن)بالخيرمعموره
وليا تساوت على بنبان تقهرها=وتهل ماها على بنبان وقصوره
ولسيّل الاوديه والارض غامرها=والناس تفرح وتاخذ للمطرصوره
تسوقها للقطيف وما مجاورها=وتصب ماها عليهم صب ماصوره
من شان محبوب عيسى مايغادرها=ويفرح ليا شاف ذيك الارض ممطوره
ويرتاح عيسى مع احباب(ن)يقدرها=وتربع ديار نور العين ويزوره
محبوبتك ياوسيع المعرفه زرها=دامت مساعيك معها شبه مشكوره
وانا مالومك لو الجرفان تطمرها=مادام روحك بحب الزين مسحوره
هذا الهوى يسحر الانفس وياسرها= كم حالة(ن) في شباك الحب مأسوره
لكن ابى انصحك لاعمرك تكررها=ذا شور صاحبك كان انك تبى شوره

لله دركم


وصح الله السنتكم جميع







لا هنتم وبيض الله وجيهكم


رد راائع

	المشاركة الأصلية كتبت بواسطة عماد القرافي

	لله دركم وصح الله السنتكم جميع لا هنتم وبيض الله وجيهكم رد راائع

صح بدنك
وشكرا على مرورك
تحيتي

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة رابح الجحدلي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك
وشكرا على مرورك
تحيتي

صحت السنتكمآ..
وبيض الله وجهيكمآ..

	المشاركة الأصلية كتبت بواسطة عاشق الصمان

	صحت السنتكمآ.. وبيض الله وجهيكمآ..

صح بنك
وشكرا على مرورك

تحيتي

صح صح صح صح صح الف مليون صحت الالسن

حقيقه سبق ان كتبت رايي حول هاتين القصيدتين تحت معرف شاعرنا عيسى العوفي


وهئنذا اكت هنا بعد ان اكتملت الصوره من شاعرنا القدير نداء الغيداني


شدني الصدى لصوت رائع لكن ماشدني فعلا هو دقة الشاعرين وروح الاخوه والميانه بينهما والتي تجلت بالرد اكثر


لكن يظهر ان نداء ماجررررررررررب الحب ولوعته !!! وش يسوي

فرد من سعة بال وربما حفز رده صاحبه عيسى ان يردف بثانيه !!

لله دركما ولله در الشعر وروعته وروعت الاخاء والحضور المشرف فعلا



تقبلا مني اصدق الود واطيب المنى رعاكما الله



وهذه تحيتي وتقديري

	المشاركة الأصلية كتبت بواسطة محمد عبدالله البدراني

	لكن يظهر ان نداء ماجررررررررررب الحب ولوعته !!! وش يسوي فرد من سعة بال تحيتي وتقديري

انا دارس على يده يامحمد
ههههههههههههههه
ياما تحت السواهي دواهي ههههه
هو اللي علمني ههههههه

يقول مره من قصيده طويله ماني حافظ منها الا بيتيين

اشتاق لك واشفق لشوفك اليا غبت= اشفق مـن الام الحنـون لولدهـا
يالغالي اللي كل ماقلت لـك تبـت= من حبك،يصير العنى امر وادهـا

رديت عليه اقول

انا اشهد انك من هواها تغربلت=شهادة من حضرتي واعتمدها
صدقت والا باول الوقت كذبت=يالين رادار القصائد رصدها
نفسي اشوف اللي خذتك وتعذبت=من حبها واصبحت خاتم بيدها
ان كانها في نجد ميعادنا السبت=نمشي لها ويحلها اللي عقدها
برمي عقالي عندابوها مع البشت=واقول تكفى ياذراها وسندها

الله يسعدك يامحمد على مرورك وتعليقك
وصح بدنك
وصح السان ابو سامي
فهو زميل وصديق حميم
افخر بصادقته

	المشاركة الأصلية كتبت بواسطة محمد عبدالله البدراني

	صح صح صح صح صح الف مليون صحت الالسن حقيقه سبق ان كتبت رايي حول هاتين القصيدتين تحت معرف شاعرنا عيسى العوفي وهئنذا اكت هنا بعد ان اكتملت الصوره من شاعرنا القدير نداء الغيداني شدني الصدى لصوت رائع لكن ماشدني فعلا هو دقة الشاعرين وروح الاخوه والميانه بينهما والتي تجلت بالرد اكثر لكن يظهر ان نداء ماجررررررررررب الحب ولوعته !!! وش يسوي فرد من سعة بال وربما حفز رده صاحبه عيسى ان يردف بثانيه !! لله دركما ولله در الشعر وروعته وروعت الاخاء والحضور المشرف فعلا تقبلا مني اصدق الود واطيب المنى رعاكما الله وهذه تحيتي وتقديري

صح بدنك وشكرا لك على الاشاده التي نعتبرها وسام فخري على تلك قصائدنا

تحيتي