مدح

أليا مدحك الردي لا يفرحك مدحه=كم من حليمً سقاه السم مداحه
يذرف أدموع الغدر بعد خبر ذبحه=وينوح حدر النعش لوكان ذباحه
ينشى على منعطف خسارتك ربحه=يسقى من أدموع حزنك زهرة أفراحه
لويلبسك تاج ولا وشاح في طرحه=لاخير في تاجه.. ولاخير بوشاحه
المجد ماتبني أبغال العرب صرحه=تبنيه حصنً لجور الوقت نطاحه
ويبنيه حرً ورى نجم الجدي شبحه=على غزير المعارف شع مصباحه
حلمه رقى للقمر حتى وصل سطحه=يجني ثمر رحلة التعليم واكفاحه
أسمه رعاه الزمن كلما طلع صبحه=ما يدفنه ماطر التغيير ورياحه
كلن يعرف الخوارزمي بعد كدحه=ريضان فكره على الكراس فواحه
ومثله نيوتن نشر قانونه وشرحه=دله على فكرة القانون تفـــــــــــــاحه
اذهن لقلبك اليا منه غفاء صحه=لا يوهمك من يده تومي بمسباحه
أماخذ حاجته يكشف مدى شحه=ياسرع مايقتفيك العــفن بســـــــلاحه
خله عسى يبتلا الجراح في جرحه=الناس عن هرجة التجريح مرتاحه
الكلب ينبح ..ولاهم الجمل نبحه=معروفً أمراحه ومعروف مسراحه
راع الكرم تفخر العربان في مدحه=تزينت صفحة التاريخ بمداحه

صح السااااانك جزل ماطرحت دام نبضك

	المشاركة الأصلية كتبت بواسطة منيره الحربي

	صح السااااانك جزل ماطرحت دام نبضك

منيره الحربي..لاهنتي على التعليق الجميل

صح لسانك والى مزيد من الابداع

	المشاركة الأصلية كتبت بواسطة المجالسي

	صح لسانك والى مزيد من الابداع

المجالسي..صح بدنك ..ولاهنت

الشاعر سعود

لله درك لله درك

شاعر متمكن صاحب مفرده بكر

قصيده رائعه بروعة شاعرها الجزل سعود

تحياتي وتقديري

	المشاركة الأصلية كتبت بواسطة سعد المحمدي

	الشاعر سعود لله درك لله درك شاعر متمكن صاحب مفرده بكر قصيده رائعه بروعة شاعرها الجزل سعود تحياتي وتقديري

سعد المحمدي..ماعليك زود يالغالي شهاده أعتزفيها من شاعر متمكن مثلك
أسعدني مرورك وتعليقك ..ألف شكر

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك والله لايهينك على المرور

صح لسانك وبيض الله وجهك