جرحي خطر وانا احسبنـه تعافـا

17-01-07, 10:37 PM

جرحي خطر وانا احسبنـه تعافـا=برى على سقم(ن) بقى فيه خافـي
سقاه ريـح صلـف قبـل يتشافـا=سقمه يسوق وظاهـره مايشافـي
وهاجت امواج بحور جوفي تقافـا=لها على الحـدب الحنايـا مرافـي
بقصر الحشى طافت وقامت تلافـا=وصبيت منها صافيات القوافي
قلـت انصفنـي بعدهـا ونتصافـا=من صاحب معي اول الوقت صافي
واشوف قوله عـن افعولـه تنافـا=مدري زعـل والا بدايـة اعيافـي
امانعـود احـبـاب والا نتجـافـا=ويبن مـن منـا سعـى للتجافـي
وكل(ن)على مقـدار فعلـه يكافـا=ياخذ ويعطي كامـل الحـق وافـي
ان كان له حق(ن) فياخذ اضعافـا=وان كان لي حق(ن) فيظهر انصافي
ادمح اليا صار الخطأ لـه الحافـا=لو ولعـت بالصـدر لهـا مطافـي
وان صـار لايدمـح ولا ينتـلافـا=ماني من اصحاب القلوب الضعافي
ردي على السبع العجايـب يضافـا=فى زاوية تسعين قـول احترافـي
اطلى به الاجرب ويصبـح معافـا=واليا عسفت الشرد تصبح اولافـي
وسم(ن) اليا ذاقه غليـث الهرافـا=اما يطيب او يصبح الصبح هافـي
ماقول قـول (ن)فيـه يلقـى اختلافـا=البسه ثوب (ن)عـن العيـب ضافـي