بعض أصناف الرجال

زارني صديق عزيز وعرض علي أبيات له قليلة ولاكنها كثيره بمعناها ومغزاها ولقد جاريتها بحيث إنني لاحظت أنه حكر أمور الطيب بثلاث مواضع والطيب له بحور وموارد ومناهل عديده كما للردئ مثل ذالك ولعلى ذكرت بعض المواضع من باب الذكر لا الحصر فارجو أن يعجبكم مانقدم لكم.....

أبيات صاحبي

أحدن رفع بالاسم وأحدن يوطيه=وكل(ن) جنى حصيل فعله بيمناه
أما كرم والأ شجاعه تباريه=أن غر منهن ذاك خله بعمياه
ومن قبل ذاك دين ربه يواليه=ومن ضاع دينه ضاع حتى بدنياه

مجاراتي للأبيات السابقه

حي الكلام اللي جزيله معانيه=من شاعر(ن) زين بيوته ومعناه
يقطف زهر مالاق حكمه وتنويه=من جوهر الحكمه للناس مهداه
بغيت أحاول بالمعاني أجاريه=وجهة نظر كل سيل(ن) بمجراه
رجل(ن) تعلى بالمعالي مباديه=اللي زرع الطيب ياطيب مجناه
رجل(ن) ليا حاولت بالحال تفديه=وش حيلتك لاضاع دينه ومبداه
ورجل(ن) تعزه من معزة أهاليه=ورجل(ن) لفا بالعز لو مالهم جاه
ورجل(ن)حكيم ترسله دون توجيه=عقله دليله صاحب العقل كفاه
ورجل(ن) ولو تعبت نفسك توصيه=تايه دليل وضايع(ن) دوم ممشاه
ورجل(ن) تهزه كل نسمه وتذيه=ورجل(ن) كما ضلع(ن)شامخ بمرقاه
ورجل(ن) تلزه بالاشاره وتكفيه=ورجل(ن) تعرقى فوق رأسه ولا أكفاه
ورجل(ن) ضعيف يستفزه بناخيه=ورجل(ن) شديد عاشت الناس بحماه
ورجل(ن) ترزه بالمجالس حكاويه=ورجل(ن) فعول الطيب بأسمه مسماه
ورجل(ن) كريم منصى ربعه وعانيه=والناس تسعى له وتمشى على خطاه
ورجل(ن) على بيته ماحد(ن) بناصيه=لا سر غيره ولا أحد(ن) عايش برجواه
ورجل(ن) على ذكراه العين تبكيه=ورجل(ن) على موته ماأحد(ن) بينعاه
يا صاحبي القلب كافيه مافيه=الله يعين اللي نقل داه برداه
الله من قلب(ن) همومه توديه =لشىء(ن) من الذكرى لا حل طرياه
تم الجواب وباقى الهرج نخفيه=والعلم شاره مدور العلم يلقاه

صح السااااااانك حتى ترضى

ودمت بخير وسعاده

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

منيره الحربى ورابح الجحدلي

صحت ابدانكم
مع وافر التقدير والاحترام
للمرور النبيل وكريم المشاعر والشعور

لاهنت وصح السانك

تقبل التقدير والاحترام

وفقك الله

الاخ الشاعر نادر النادر
صح لسانك وسلمت يمينك

لولا اختلاف قافية عجز البيت لاعتقدت انك جاريت هالقصيده للشاعر خلف المشعان رغم ان صدور ابياتك ماهي بعيده عن صدور ابيات الشاعر خلف مشعان ماني قايل توارد افكار يمكن تطابق افكار الى حد كبير

عموما الشاعر خلف مشعان يقول :

ياكثرهـم لا قلـت لــك عـرفـة وجـيـه
ويـاقـلــهــم لا قـــلـــت قـــــــدر ومـــعــــزه
رجـــــل تــعـــزه بــعـــد مـاتـلـتـقـي فــيـــه
ورجــــل قــبـــل مـاتـلـتـقـي بـــــه تــعـــزه
ورجــــل تــــرزه بالـمـجـالـس مـبـاديــه
ورجــــل فـلـوســه بالـمـجـالـس تـــــرزه
ورجـل يـمـوت ولا يجيـبـون طـاريـه
ورجـل يجـي طاريـه فـي كــل حــزه
ورجل يهـزه بعـض موقـف ويشقيـه
ورجــل مـهـوب أيــات مـوقـف يـهـزه
ورجــل ضـعـيـف ويسـتـفـزه مـعـاديـه
ورجـــــل كــــــلام اعــــــداه مـايـسـتـفــزه
ورجـــل تـلــزه يـعـتـرف لـــك بخـافـيـه
ورجـل علـى خافـيـه .. مـحـد يـلـزه
ورجــل يـوزونـه ويـزعـل بـنـي خـيـه
ورجــل يـزعـل مــن يـحـاول ، يــوزه
ورجـــل تـكــزه لا زم انــــك تـوصـيــه
ورجـــــل بــلــيــا مــــــا تــوصــيــه كــــــزه
مـــن لا فـــرش للمـرجـلـه ماتـغـطـيـه
ومــن لايـخــز الـنــاس مـحــد يـخــزه
ان كنت تعرفني فهي عرفة وجيه
مـو شـرط لـك بالقلـب قــدر ومـعـزه



واخيرا صح لسانك انت والشاعر خلف مشعان

,
,
,
صح لسانك وعلا شانك
والله يعطيك العافيه على المجاراه للقصيدة
بيض الله وجهك
مع التحيه

صح لسانك يانادر النادر

صح لسانك يانادر النادر

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك