العمر فاني والليالي قديمه

أرسل لي احد الاصدقاء ابيات وجدها فى احد المنتديات ولايعلم لمن هى ولقد جاريت الابيات وأرجو أن تنال القصيده والمجاراة الرضى والاستحسان

كان الشاعرمسجون
ماراً من أحد الممرات وفي ذلك الممر كانت

( ريم وأمها ) داخلين لزيارة سجينهم

والشاعر سمع صوت الأطفال فتذكر أبنائه

فدمعت عينيه

فرأته ( ريم ) فقالت ريم لأمها :

(يمّه الرجال يبكي !! ،، فقالت أمها زاجرة : ريم )
عندها ،، كتب الشاعر هذه القصيدة

::

أبكي وعيني تسهر الليل يـا ريـم=مدري بلاها الشوق والا الظليمـه
يا ريم دمع العين مدري على الريم=والا على قلبـن تواكـل صميمـه
تقول لاطمني علـى نونهـا سيـم=أبكي وعندي لأزرق الدمع قيمـه
ويمكن يكون الدمع للعيـن تكريـم=ويمكن يكون إلها عذاب وحريمـه
والله يا لولا دمعتـن كنهـا الديـم=راحت ضلوعي من عذابي حطيمه
ودام البكا يا ريم ما فيـه تحريـم=يا عنك والله لأرخص الدمع شيمه
وابكي على حالي من الوجد وآهيم=لين الزمن يخلـف عليّـه نسيمـه
أبكي حياتن صافيه ما بهـا غيـم=وين المحبـة والقلـوب السليمـه
أبكي قهر وابكي من الغبن والضيم=وابكي من طعونن بقلبـي قديمـه
غدر الزمن خلّى بوجهي مراسيـم=وما يذبح الرجال مثـل الهزيمـه
بعض المصايب شرها ياكل الهيـم=وشلون بكبود الرجـال الكريمـه
وبعض المصايب يخلفن المفاهيـم=تبغى على ما قيل صبر وعزيمـه
مظلوم بالدنيـا وغيـري مظاليـم=من عرض ناسن لبسوهم جريمـه
ما عاد أبي من سود الأيام تعليـم=عقب العذاب اللي كلاني جحيمـه
ولو تصفي الدنيا علـيّ الملازيـم=ما عاد أدور من وراهـا غنيمـه

أعجبتني الابيات السابقه التى أرسلها أحد الاصدقاء الى إيميلي
فتفاعلنا معها وكانت هذه المجاراة والرد...

يابنت ياللي خاتمة أسمك الميم=لك قلب صافي والنوايا سليمه
ياريم قولك زاد بالقلب تازيم=لقلبٍ حزين زايدٍ فيه ضيمه
هاض الفؤاد وصار بالقلب تاليم=أضحت حياته مدلهمه عتيمه
تبكي عيونه للمدامع مرازيم=يشكي أجروحٍ فى حياته أليمه
والدمع مابه عيب ولافيه تأثيم=قبله بكت حتى الرجال العظيمه
لاشك دمع الغبن للرجل تحطيم=لا ضاقت الدنيا عليه اللئيمه
مابين حزن وظلم للسجن تحجيم=والنفس تاقت للحياة الكريمه
ضاقت به الدنيا وبالنفس تكتيم=ودمعة حزن لأهل القلوب الرحيمه
لاضاقت الدنيا وبالبال تعتيم=تبكي ترا حتى الرجال الحشيمه
لاشك يبغى له من الصبر تصميم=صبر(ن) جميل للرجال الفهيمه
ومن لاتعلم ماتفيد التعاليم=والعمر فاني والليالي قديمه
ووجهت وجهي لخالق الكون تنظيم=نخشى عذابه ونرتجي من نعيمه

الأخ نادر
صح لسانك وبيض الله وجهك
قصائد جميلة ومؤثره جدا شكرا لك
لاهنت

الأخ / نادر النادر


صح السنتكم جميع


وبيض الله وجهك على المجاراه


ودمت بخير

صحت السنتكم
والله يـعـطـيـكم الـعـافيـــــــــــة

بيض الله وجيهكم

صحــت السنتكــم
دمتم برعاية الله وحفظة

نافع الحربى و السهم الحربى ورابح الجحدلى وبن فرهود

صحت ابدانكم
مقدر مروركم وشاكر كريم شعوركم
دمتم بخير

الله الله

صـــــــــــــــــــــ ح لســــــــــــــــــــــــانك

يانادر النادر

قصيده جزله ورد جزل

ولاروع من كذى

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\

الأخ نادر
صح لسانك وبيض الله وجهك
قصائد جميلة ومؤثره
والله يعين على الدنيا

شكرا لك
لاهنت

فايز المحيسن وابو فياض النويمي وعيسى العوفي

صحت ابدانكم
والله لايهينكم على كريم المرور ورائع الشعور
دمتم بحفظ الله ورعايته