سلام رديه كما الحد الرهيف

المحاوره يا الربع من أربع وقفات واللي يبي يلعب معي حياه الله

سلام رديه كما الحد الرهيف سيفاً يشيل الراس من فوق المتون = واللي يخاف من المعارك والسيوف يجلس بعيد ولايجي للمعركه
نصاً من الشعار على جال الرصيف والنص الاخر كن ماعنده عيون = عينه كبيره مير فيها مايشوف كثر حساسه مير مافيه ابركه

الله الله الله

ياسلام يابوعويض

بيض الله وجهك وصح السانك

طاروق رااائع



ارشح شاعر كبير لمواجهتك





وان شاءالله ماهو بعيد

	المشاركة الأصلية كتبت بواسطة ابن خيرالله الردادي

	الله الله الله ياسلام يابوعويض بيض الله وجهك وصح السانك طاروق رااائع ارشح شاعر كبير لمواجهتك وان شاءالله ماهو بعيد

شرفني مرورك والظاهر نقدت عليه لكن يقول الرياجيل الحرب خدعه

صح لسانك
والله يـعـطـيـك الـعـافيـــــــــــة
بيض الله وجهك

يامرحبا تطلع من القلب النظيف اقولها واهل المعرفه يسمعون=زوار والشعار واتعم الضيوف مثل ظلام الليل كلٍ تدركه
وش رايك انحطك على القلطة عريف وتحاسب اللي يدخلون ويطلعون=والشاعر المخطي يعشينا خروف واللي يبا يرفع خشيمه تفركه

كلً يقول انه على المعنى وصيف وألا البطوله مااحدن منها يمون = حامض عنب ويقول جعله بالذلوف درب الوعر صعباً والااحدن يسلكه
متحيزماً بحزام بندق يا شريف والا تبي تطيح معهم بالصحون = بعض البشر تعبه ماهو بمخلوف واللي زعل يدخل براسه بشركه

صحت السنتكم ياشعرائنا المبدعيين محمد البدراني وابو زياد عبدالله الفريدي والرد مسحوب وانت صاحب الرد الاول يابو زياد تفضلو واصلو وانا متابع لكل جزيل من الطرفين

وش السالفه يالربع هي كلٍ يدلي بدلوه والا وشي

ياللربع انتم روعتوني والله ماني قادر الا واحد وعسى الله يعني عليه مير منهو

صح لسانك يابواحمد على الرد الكايف وانا ابا امسك الصف