رسـالـة إعـجــاب

السلام عليكم ورحمة الله وبركاته





[quote745143]

يا القلب الابيض وين مـا كنـت موجـود= عطني إشارة فاكس أبرسلّـك إعجـاب
تستـاهـل التقـديـر والـطـيـب والـجــود= مـــادام لا حـاقــد ولا أنـتــه بـكــــذّاب
يدعيك قلب" من غثـى الوقـت ملهـود= وقت" غريب وفيه حسـن الرجـاء خـاب
يبـغـاك تـبـذل مـعـه طـاقـه ومـجـهـود= فـي كشـف تزويـر الملامـح والالـقـاب
بالـنـاس نــاس" شـرهــم يـرتـفـع زود= شــر" عجـيـب ولا عرفـنـالـه أسـبــاب
نــاس" عـلـى الاجــواد قـدّاحـة زنــود= شيطانـهـم حـاظـر ومعروفـهـم غـــاب
قلوبـنـا بـيـض وهــم قلوبـهـم ســـود= والـشـاهــد الله ماقفـلـنـالـهـم بـــــاب
وابلـشـة الـنّـقّـاد مـــن كـــلّ مـنـقـود= أصحابـنـا تــال الـزمـن صــاروا أجـنــاب
العولـمـه ماعقـبـهـا سـهــود ومـهــود= تصعـب مشاكلهـا علـى كــل حـسّـاب
تـغـيّـرت مـــن بـعـدهـا هـبّــة الــنــود= قـامــت عـواصـفـهـا تـقـلّــب تــقــلاّب
هبّـت هبـوب الغـرب فـي ملـح بــارود= وامطـر سمـاء الدجّـال أعاصيـر وتــراب
وتـلـقّـف الفـتـنـه مـنـافــق ونــمــرود= والـكـل مـنـهـم بـالــردا ولّـــف كـتــاب
أكـثـر عـبـاد الله عــن الـواقــع رقـــود= حتى وقع فـي جبهـة الحـقّ مشعـاب
واصبح سعد يشكي على عمّه سعود= وسعود ماهر بسّ فـي علـم الانسـاب
سعـد يشـوف الضيـم وسعـود مقـرود= مـاهـمّـه بنـاخـيـه لـــو يـقـرصــه داب
أهــم شــي يـطــوّق الـــزرع بـحــدود= ويحـطّ لـه مقهـى علـى راس مـرقـاب
ياسعـود ليـه الغطرسـه وانـت مـردود= للـي هـزم وحــده طواغـيـت الاحــزاب
دنـيـاك هــذي بعـدهـا يـــوم مـوعــود= والمـوت قبلـك ماتـرك عكـف الاشنـاب
دنـيـاك مـثــل أحـــلام فـنّـانـة الـعــود= لا تنـخـدع بالشـكـل لــو كــان جـــذّاب
وان كـان حبلـك ياحمـر العيـن مشـدود= يرخيـه مرخـي حبـل أبـو زيــد وذيــاب
لـو فيـه بيـن المـوت والصملـه عـهـود= ما مات أخو حسناء ولا عقـاب وحجـاب
وآخـر كلامـي مـرجـع الجـسـم لـلـدود= يانـاس مـا عـن حفـرة المـوت مجنـاب

[/quote]

رائعه ياعبد العزيز اسجل اعجابي بهذه القصيده صح لسانك بيض الله وجهك

صح لسانك يابو خالد


الله لايهينك


شهادتك أفتخر فيها


بيّض الله وجهك

دنيـاك مثـل أحـلام فنّانـة العـود=
= لا تنخدع بالشكـل لـو كـان جـذّاب
وان كان حبلك ياحمر العين مشـدود=
= يرخيه مرخي حبل أبو زيـد وذيـاب
لو فيه بين الموت والصملـه عهـود=
= ما مات أخو حسناء ولا عقاب وحجاب
وآخر كلامي مرجـع الجسـم للـدود=
= ياناس ما عن حفرة المـوت مجنـاب

صح لسانك ياعبد العزيز
قصيدة في منتها الجمال والأبداع
شكرا لك لاهنت

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

نافع الحربي

صح بدنك ولا هنت على مرورك الطيّب

رابح الجحدلي


صح بدنك الله يعافيك ووجهك أبيض طال عمرك

الشاعر الرائع
عبدالعزيز المخلفي
صح لسانك مليووون على القصيده الجزله والرائعه
وبيض الله وجهك شاعر جزل
أعجبتني القصيده ككل
الف شكر لك على نظمها


تقديري لك

صح الله لسانك ابداع وجزاله وتميز ورقي بالطرح بيض الله وجهك ياشاعرنا الجزل والمبدع /عبدالعزيز المخلفي اسجل اعجابي اللامحدود بهذه الشامخه لاعدمناك سلمت ودمت والله يحفظك ويرعاك

حمدي العوفي


صح لسانك ووجهك أبيض لاهنت


تحياتي وتقديري لك