شاقن رفيف القاف واشتاقت العيـن

مريت قافن زاهي الطيب ريحه =شاقن رفيف القاف واشتاقت العين
من شاعر(ن) جاب العلوم المليحه=عاقل وله خوه على الطيب و الزين
قال الكلام اللي يهيض قريحه =قال الصحيح وجاب صدق المضامين
بيوت(ن) كما الريضان فيضه وشيحه=هدف وهو صاب الهدف و النياشين
اثنى على اهل الطيب شامخ مديحه=والطيب تاج (ن)للرجال الشريفين
ولا خير في بعض العلوم القبيحه=اللي بطعناته سهوم و سكاكين
ونقول للمخطي عسى الله يبيحه= الهرج حنظل نوب ونوب(ن) رياحين
وعسى الرداء يبعد و عنا تزيحه=ولا اسلك دروب الغي وناس مضلين
واقدر اهل الطيب من اية شريحه=ولا أصير بلسان البشر والملايين
ويالله عسى ما انطق هروجن جريحه=وتسلم على الابيات عد الملبين
اوعد بير (ن) زايدن في نضيحه=وتم الكلام اللي منزه عن الشين
من شاعرن حب العلوم الصريحه=والله كريم يبدل العسر باللين

لاهنت يالحويفي
على القصيده
تحياتي
لشخصك الكريم

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك..


محمد اليوبي

قصيده جدا رائعه
صح لسانك اخوي
مسند الحويفي
ابدعت بهذي الرائعه
احتراامي لك

صح الله لسانك
ولاهنت
وسلم فكرك وبنانك
دمت برعاية الله وحفظة

اي والله الله كريم ويبدل العسر باللين

صح لسانك يا مسند وبيض الله وجهك

على هذي القصيدة الرائعة والراقية

برقي فكرك وسمو اخلاقك

ابو بتال

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

صح لسانك وعلا شانك

هلا بطيب تواصلك

صح لسانك وعلا شا نك

وبيض الله وجهك

قصيده جزله

لا هنت
,
,
,
شكرا لك