قصيده بحرب

هذي قصيده قلتها قبل مده وهي تعبر عن نفسها

ياهاجسي عطني من الشعر ماطاب=عليك بدع القاف ماهي صعيبه
وان كان له موقف وللموقف اسباب=سوق القصيد ابيع به واشتري به
لاصار بالميدان طالب وطلاب=درب الصواب ادوره واهتدي به
وانا الدفاع ان كانها وصلت اللاب=اسل سيفي باللقا واعتزي به
لي لابتٍَ بالحرب تفعل وحراب=لها اسمها المشهود حرب الحريبه
يومنها بالسيف قصاف الأرقاف=منزالنا بالعاليات الرقيبه
تاريخنا كله تهاويل واعجاب=ياجاهل التاريخ لا تدعي به
تاريخنا محفوض عن كل نصاب=ومن شان توضيح الحقايق نجيبه
لو كان بصدور الرياجيل ماغاب=شباب واللي بيض الراس شيبه
جتنا جيوش الترك من كل الأصواب=وحنا منازلنا على حدود طيبه
قمنا وقلنا ماعن الحرب مجناب=نموت عز ولا حياة الغليبه
وصفت جيوش العز بالخيل واركاب=نبغى الملاقا مارضينا ضريبه
قمنا وولا جيش الاتراك هراب=هذا قتيل وذاك نسمع نحيبه
ولاهو جميع جيوشنا ناب من ناب=باق الجيوش بنجد صارت مهيبه
وذيداننا ترعى بها كل الاعشاب=تمشي بحفظ الله لو هي ذهيبه
وان صك باب نفك فيها مية باب=ان كان نار الحرب شبت لهيبه
حامينها ذيدان وديار وشعاب=ننعم تحت ضل السهوم الصويبه
وان كان عج الخيل شهرين ماغاب=لابد ماترجع عدانا مخيبه
وكانه حدانا للمواريد طلاب=لابد مانارد عليها غصيبه
عدونا لاشافنا ضاع وارتاب=حلت عليه الكارثه والمصيبه
لوهو عقيد القوم تنهار الأعصاب=رجليه تبرد بالليال العصيبه
وان كان لرجال المواقيف حساب=احسب نويشي والله انه حسيبه
ويعلمك وشلون تقدير الأصحاب=يومٍ بعض الناس باق بصحيبه
وموكده باكثر دواوين الاعراب=اللي ذبح ربعه وخاله قريبه
وان كان جاء للطيب كاسب وكساب=الله خلق له واحدٍ يكتسيبه
ويكرم الضيفان ويدسم اشناب=هذاك ابن ناحل عسى الله يثيبه
وفعل البلالي لو غلط فيه نساب=افعولنا ماهي علينا غريبه
فدا الولد من ضربة السيف ماهاب=خلاه لامه جعلها تهتني به
واللي نصانا ضايمه حزم كلاب=وطاه مع ربعه مهونه وسيبه
وتجمعو كل الجماعه والأقراب=ومدوا له اللي كاتبٍ له نصيبه
واليوم متغير غناوي ولعاب=دارت دواليب الزمان العجيبه
جحاد للمعروف خاين ولساب=ماخاف من ربه وتقدير شيبه
دام الهدد بين الحديات وغراب=مضلوم ياحرٍ كفوفه عطيبه
قدمت موجز ما تقدمت باسهاب=وضحت بعض فعول حرب العريبه
افعولنا تبقى على كل مرقاب=وباق القبايل فعلها ما نعيبه
والعلم ما يخفى على اصحاب الألباب=مضمونها عند الرجال الأديبه
هذا كتاب وباقي كتاب وكتاب=الحبر واجد والصحايف قريبه

نايف بن شليويح بن مياس الفريدي

الشاعر الرااائع
نايف بن ميــــــــــــاس
صح لسانك مدد بلا عدد
قصيده جزله ورااائعه
قصيده تغني عن قصاائد

لاهنت
وكفواا يالفريدي ولاتجيب الا الجزل

ننتظر جديدك ياشاعرناااا الراائع

	المشاركة الأصلية كتبت بواسطة ناهس الشعيفاني

	الشاعر الرااائع نايف بن ميــــــــــــاس صح لسانك مدد بلا عدد قصيده جزله ورااائعه قصيده تغني عن قصاائد لاهنت وكفواا يالفريدي ولاتجيب الا الجزل ننتظر جديدك ياشاعرناااا الراائع

صح بدنك ولك الشكر وربعي يستاهلون اكثر وابشر بالجديد

صح لسانك ياالفريدي ونعم والله فيكم يا عيال راشد والمواقف هذي ليست غريبة عليكم

وحرب حرابة الدوول مهما قلنا فيها من قصيد ما نوفيها حقها

الف شكر لك على القصيدة الرائعة

	المشاركة الأصلية كتبت بواسطة موسى عوض الوسيدي

	صح لسانك ياالفريدي ونعم والله فيكم يا عيال راشد والمواقف هذي ليست غريبة عليكم وحرب حرابة الدوول مهما قلنا فيها من قصيد ما نوفيها حقها الف شكر لك على القصيدة الرائعة

صح بدنك يالوسيدي وبيض الله وجهك

كفو يا حربي صح السانك وبيض الله وجهك

	المشاركة الأصلية كتبت بواسطة العطيب

	كفو يا حربي صح السانك وبيض الله وجهك

صح بدنك ووجهك ابيض

صح لسانك يا الفريدي
وحرب قول وفعل
احسنت البيان بيوت رائعه تحكى تاريخ زاخر بالمفاخر
شاعر متمكن يغرف من بحر وينحت من صخر

صح لسانك مليون على القصيده
والله يعطيك العافيه
بيض الله وجهك

\

صح السأنك

\