شبابية

يوم الفؤاد اشتاق للمقصد اللي = كلٍ سعى له يوم جا وقت مسعاه
سعيت انا قصدي حلال وحلي = شفي على اللي غاية القلب ومناه
طفت المداين من محل ال محلي = ماشفت رغبة فالقصور المبناه
ابغى دليل للمطالب يدلي = ومليت من كثر التعب والمعاناة
ولاحصل للمشكلة من يحلي = واحترت فامري مطلبي وين بلقاه
اخر مطافي صار للعقد حلي = فكرت والتفكير زانت نواياه
قلت العفو يارجل خفي وقلي = تقللي بعد العقل فالبلد تاه
ان كان وليا الحظ باينعدل لي = انصي ديار البدو ذباحة الشاه
وايقت راس النايف المستقلي = ضلع طويل ويتعب الزول مرقاه
مديت شيح العين في كل تلي = وفي كل وادي واترقب حلاياه
واني بعنق الريم يمشي تسلي = بين العشوب وزين الازهار تغشاه
بدويةٍ فيها الحلا والتحلي = زاد الحلا لبس الثياب المضفاه
ابو جديل فوق متنه يهلي =يسحر سواده كل عين تحلاه
والعين من تحت الهدب تستظلي= ترمي قوي الحيل لازان مرماه
ماترمي إلا فارسٍ مايكلي = كم شارب سود العيون اتعشاه
ومن السجايا كاسبة خير دلي = متعلمة كل العلوم المسماه
وان شافت الضيفان قامت تهلي = ماتدرق وسط البيوت المغطاه
بنت الصقور اللي تشيل المقلي = ولينها مطلوبنا اللي طلبناه

الله يبيض وجهك لاعدمناك

قصيدتك شيخه وانت شيخ يا ابن مريع

قصيده اعجبتني بكل صرحه

لله درك ومليوووووون صح السانك

شاعر متمكن ولا يستغرب من شرواك

الجزل والثمين تحياتي

صح لسانك مليون على القصيده
والله يعطيك العافيه
بيض الله وجهك

صح لسانك كسرة رائعه
والله يعطيك العافيه
بيض الله وجهك

صح لسانك مليون على القصيده

صح لسانك قافيه اكثر من رائعه


تحياتي لك..



العقيد

صح لسانك واعتلا شانك

بصراحه من اروع ماقرات وسمعت

شااعر متمكن ولا يستغرب الا بداع منك


تمنيت لو انني انا من كتبها


شاعر وغني عن شهادتي


الله لا يحرمنا منك ولا من ابداعك


احترامي وتقديري لشخصك الكريم


ابنك وخادمك

زكي

الأخ العزيز والشاعر القدير
حسين مريع

صح لسانك مليون على القصيده
والله يعطيك العافيه
بيض الله وجهك

صح لسانك ياحسين احسنت الكلام واجدت لكن عرفنا انك
شباب وانا احسبك شايب يامل طولة العمر

	المشاركة الأصلية كتبت بواسطة ابوخالد الفريدي

	صح لسانك ياحسين احسنت الكلام واجدت لكن عرفنا انك شباب وانا احسبك شايب يامل طولة العمر

الاخ الغالي ابوخال الفريدي حياك الله
شرفني مرورك وتعليقك
اما العلوم روحت ولكن حلاوة الشعر تشكيله
تقبل تحياتي واحترامي