( ياامة الاسلام لله توبي ) مراسلتي مع الشاعر القدير / غازي ابو زوايد الفريدي

17-07-10, 02:33 AM

/
/
/
/
/
/
/
/
/
/
/
/
/
/
/

بدع الشاعر / خالد بن عبيد بن معتوق ألأحمدي

سلام يحملّ لك من الورد باقه=فايح شذاها دون نسمة هبوبي
ياشاعر ٍ يملك بشعره لياقه=وشعره منزّه من جميع العيوبي
والهرج يفهم مقصده من سياقه=وانا رجل بالشعر ليه سلوبي
لي صاحب ٍ لاماه عندي شفاقه=من سبته صاحبك ضلاّ عزوبي
ماكنت حاسب بعد قربه فراقه=قرب الشفق لاحل وقت الغروبي
واهل الهوى مايعرفون الرواقه=دايم وهم في جو ضيقه كئوبي
والصبر ماعندي على الصبر طاقه=لاصار قلب الزين ماهو بصوبي
ودام العلاقه شابهة للعلاقه=مابين صنعا والحراك الجنوبي
كل مانوى واحد يزيد الصداقه=جاوبه الاخر بقتراف الذنوبي
من حالهم صابت ضميري حراقه=ليه العرب مع بعضهم في نشوبي
بتفه سبب يتفارقون الرفاقه=خذلك دليل ان كان صابك عجوبي
حرب البسوس اللي سبب موت ناقه=مكثر ضحاياها ولا من كسوبي
ياليتنا نقدر نضد الحماقه=ولا نداوي قوم مرض القلوبي
وش قولكم في جيل بيغى سواقه=ولا يعشق الا فن هيفا وروبي
اكسر جدار الصمت قول بطلاقه=يااليعربي خلّك بنهجك عروبي
وازعج بصوتك كل من مد ساقه=يا امة الاسلام لله توبي

/
/
/
/
رد الشاعر القدير / غازي ابو زوايد الفريدي

اليـوم مانـي والفـرح والرواقـه=من ضيقتي ماقدر على شيل ثوبـي
من ضيقتي ضيعت مبـدا اللباقـه=مع من جلس عندى وضاقت دروبي
من فوق حملي زاد خالـد وساقـه=عسى ماهى دعوه بسبـة ذنوبـي
ولو قال مالـى بالمشاكـل علاقـه=اقول له وجهـت شكـواك صوبـي
وارجع لمبدا قصتـك والصداقـه=تفرض علي اواجهـك يامحبوبـي
قل لي عن القصه وسبـت فراقـه=هى غصب ولا إن الحبيب لعوبـي
إن كانهـا غصـب عليـه اوثاقـه=محكم ودونه يابن عمـى حروبـي
لـو أتكلـم فـى مجالـك حماقـه=ولو تنتظر يروح عمـرك عزوبـي
لاتنتظـر متـى يصيـر إنطلاقـه=عنّز جنابـك لا تصيـر إمغلوبـي
عنّز جنابـك والعـوض بالرفاقـه=تلقى بداله يابـن عمـي إعجوبـي
ينسيك صدات الغضـي وإصطفاقـه=وتعيش باق أيام عمـرك طروبـي
وإن كان خلك مخلص (ن) فى نطاقه=وقلبه لغيرك مانت فيـه مغصوبـي
من يتبـع المقفيـن قطـاع ساقـه=لاتقول قلبي خـل عنـك القلوبـي
ولاتبين المكنـون بالنـاس عاقـه=ثور كـذوب وبالمجالـس هذوبـي
وختامهـا مالـي وجاهـي لحاقـه=فدوه لبـن عمـي ولانـي كذوبـي
أنا تـرى مانـي خطـات الهقاقـه=احمى كلامي والكـذوب مهزوبـي