مـــرثية في والـــدي :::

هنا الشيله الصوتيه

http://www.mazameer-up.com/uploads/12774188222.mp3

لعّل قبرٍ فيه ريف المساكين=تمطر عليه المزنه العقربيه
تمطر عليه ايام وشهور وسنين=ويصبح مطرها بين صبح وعشيه
قبرٍ نزل به فدوة القلب والعين=ابوي ياجعل الرياجيل زيه
قلبه نظيف ومنهجه منهج الدين=ورايه سديد ونيته خير نيه
لا قايلٍ كذبه ولا لاحقه دين=ولا هو من اللي ينقلون الخطيه
ياما يوصينا على الرفق واللين=وياما يوصينا بترك الاذيه
يابوي لو بكتب من الشعر بيتين=ماهو جزا حقك ولكن شويه
يابوي لو تدري عن الحال هالحين=صعبٍ فراقك مار غصبٍ عليّه
وش حيلتي لو حولت دمعت العين=اوش حيلتي وارد عنك المنيه
الصدر ضاق وزود الهم همين=صارت تجي يمي سريّه سريّه
رحت ورحلت وكلنا معك ماشين=والموت لازم له على الناس جيه
يالله يا غافر ذنوب الملايين=يالخالق المعبود رب البريه
تجعل عليه القبر روض وبساتين=وتغفر له وتمحي عنه كل سيه
وتجعل مقّره جنة الخلد بعدين=يعيش فيها عيشةٍ سرمديه
وصلوا على الهادي شفيع المصلين=انهيت شعري واعتبرها وصيه

رحم الله والدك يافهد واسكنه فسيح جناته


صح لسانك وبيض الله وجهك

صح بدنك يادرب الوفا

شكرا لك

رحم الله والدك واسكنه فسيح جناته هو واموات المسلمين

صح لسانك يافهد اجدت التعبير واوصلت مايجول في خاطرك

تحيتي

الله يغفرله ويرحمه ويسكنه فسيح جناته


صح لسانك

رحم الله والدينا و والدك يافهد

و صح لسانك

الله يغفرله ويرحمه ويسكنه فسيح جناته


صح لسانك

صحت ابدانكم جميعا

وجزاكم الله كل خير

شكرا لكم

حياك الله يابن مطر قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

	المشاركة الأصلية كتبت بواسطة فهد بن مطر المخلفي

	هنا الشيله الصوتيه http://www.mazameer-up.com/uploads/12774188222.mp3 لعّل قبرٍ فيه ريف المساكين=تمطر عليه المزنه العقربيه تمطر عليه ايام وشهور وسنين=ويصبح مطرها بين صبح وعشيه قبرٍ نزل به فدوة القلب والعين=ابوي ياجعل الرياجيل زيه قلبه نظيف ومنهجه منهج الدين=ورايه سديد ونيته خير نيه لا قايلٍ كذبه ولا لاحقه دين=ولا هو من اللي ينقلون الخطيه ياما يوصينا على الرفق واللين=وياما يوصينا بترك الاذيه يابوي لو بكتب من الشعر بيتين=ماهو جزا حقك ولكن شويه يابوي لو تدري عن الحال هالحين=صعبٍ فراقك مار غصبٍ عليّه وش حيلتي لو حولت دمعت العين=اوش حيلتي وارد عنك المنيه الصدر ضاق وزود الهم همين=صارت تجي يمي سريّه سريّه رحت ورحلت وكلنا معك ماشين=والموت لازم له على الناس جيه يالله يا غافر ذنوب الملايين=يالخالق المعبود رب البريه تجعل عليه القبر روض وبساتين=وتغفر له وتمحي عنه كل سيه وتجعل مقّره جنة الخلد بعدين=يعيش فيها عيشةٍ سرمديه وصلوا على الهادي شفيع المصلين=انهيت شعري واعتبرها وصيه

صح لسانك ..قصيده جزاله من شاعر جزل
أسأل الله العلي القدير أن يسكن والدك فسيح جناته وان يجمعك معه في جنات النعيم مع النبيين والصديقين..