مساجلة هادفه

الى مرزوق المزيني مع التحبه:. في28/4/1415هـ

انا ابا ستعين الخالق الرازق الرحمن =وابا اكتب جميع اللي نويت اشرحه كلّه
اباعرض على مرزوق علم تحت عنوان = مواضيع صارت لغز وابانتظر حله
انا قصتي فبها اكثر المجتمع حيران = قديمه جديده مصدر الخبث والخله
ابي رايه الصايب ومن يستعين يعان =لعله يبين درب انا كنت مادله
انا يالمزيني لي خوي طلع خوان =خوي ملازمني وهوخارب المله
خوي تبعني لاهو جني ولاهو انسان = احبه وهو يقضي على الحال ويسله
اثرخوة الملعون من نزغة الشيطان =لاانه تغلغل داخل الحال واحتله
انا اقدره واغليه وادفع به الاثمان = لكنه لعين وخوته كلها عله
ليا مني بغيت اعامله كلّح النيبان = واشوف الغشش واضح ليا حل بالحله
خبيث المعرفه لايدين ولايندان = وانا ليا اختفى جيته من البعد عانن له
واجيبه بلين ورفق وافتح له البيبان = لكنه عدولي وانا صرت ما مله
لو ابغى اتعامل معه باللطف والاحسان = يعود بحقد وفي عظامي دفن غله
لكن ميزته مابه تمرّد ولاعصيان =ولايتبع الانسان قدام ياذن له
وانا منخدع في خوته ماضي الازمان = بداية غلط واستغفر الله عن الزله
فلا انته رفيق له ومن رافقه خسران = ولانته خبير به ولانته خوي له
لكنه مشى في كل شبر من الاوطان = وليارافق الانسان خلاّه عبدله
ولاهو خفي اخفيه والمختفي مابان = ولاهو وفي وبين امره مع الشله
لعلك توافيني براي معه برهان = ترى النفس من بعض الطواريق منحله
ولاتجيب لي راي قريب من الاذهان = ولاتشير به ليه ولاتقول لي خله
تحدث برايك عقب ماتنصب الميزان =ترى من عطيته صايب الراي تحسن له

ـــــــــــــــــــــ
ورد ابو هلال واجادبراي هادف والعلم كله هادف

هلا مرحبا والقاف تفتح له البيبان = على الدرفتين بمدخل السور والفله
هلا مرحبا با لسايق الكبتن القبطان = بعث لي بلغز وقال لي ينتظر حله
ولااقول له لين ولااقول له صوان = لازال الخبر مجهول جسمه تحت ظله
نصب لي هدف ويقول ترم الهدف باتقان =ولاقول له ضمه ولاقول له خله
وضعني بموقف حرج في قصة النيشان = ولاهو بقدر لي ولاهو بمدله
ومنعني لابوح بسر عن علة المرضان = يخاف المريض ليا درى ويش يحصل له
لكني عزمت اعالج السم بالقران =والا بكية مع مدخل السم تدخل له
وزعت العلاج اثلاث ثلثين دون اعلان = والثلث الاخير لصاحب الشان ثلث له
حداني على المسرا راع الناظر السهران = بعث لي مراسيله وانا لازم ارسل له
كلام من الوجدان تصخر له الوجدان = على سلم المرجان يصعد وتنزل له
لقيت الهدف ماهو بكادي ولاريحان = ولاهو بخال له ولاهو بعم له
لقيت ابوخالد صاحبه طير بن برمان = على كف خمسه حط حطاب وشتله
صديقك عدوك من فصيلة عوج دخان =صديقك عدوك وانت بالحبل ممهل له
نزل بك على غير الرضا فوهة البركان = تشوف الخطر واضح ولكن تحمل له
معك قو باس ونابغه لكن الحرمان = جبرك الهوا تدفع ثمن علبة الجله
لانته بجابان ولاانته قطيع لسان = لكن النصيب ليا ربض يعلن الذله
رفيق الردى يردي ولوهو ولد سلطان =يهين الكريمه لين تخضع توسل له
وانا اقول من يركب جواده بدون اعنان = عدوه رديفه والمحابيل تحبل له
عمود الخطا من بالخطا جامل الخلان = وبعض المجامل بالخطا مصدر الخله
حسب علمي المحدود شان الصداقه شان =وصديق يجامل مع صديقه عدو له

ـــــــــــــ
9/5/1415هـ

صح لسانك يابو خالد وصح لسان المزيني

مساجلة عمالقة شعر بارك الله فيكم والحقيقه اعرف ان هذا بعض من شي كثير نتمنى ان نطلع عليه من قصائدك
الرائعه الجزله 00تحياتي لك ولشخصك الكريم 0

	المشاركة الأصلية كتبت بواسطة خالداللهيبي

	صح لسانك يابو خالد وصح لسان المزيني مساجلة عمالقة شعر بارك الله فيكم والحقيقه اعرف ان هذا بعض من شي كثير نتمنى ان نطلع عليه من قصائدك الرائعه الجزله 00تحياتي لك ولشخصك الكريم 0

ـــــــــــــ
اشكرك يا بو احمد وحضورك شرف

صح لسانك يا ابو خالد و صح لسان الشاعر الكبير/ مرزوق المزيني

و بشرنا عسى تركت هذا الخووووي الأقشر

صح الله لسانك يابو خالد الفريدي على هالمساجله الجزله والرائعه وهذا الموضوع الهادف اللذي يهم شريحه كبيره من المجتمع
وصح لسانك شاعرنا الكبير / مرزوق بن مبشر الحثل ورد جزل وراي صائب من ابو هلال الله يمتع له بطول العمر
وان شاء انك بعد هذه التوجيهات قطعت صلاتك مع هذا الصديق اللي ماتصادقه الغناه يابو خالد هذا مرثع له بشعوب وقبائل الله يفك منه

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السانك يابوخالد وصح لسان ابوهلال

قصائد يستفيد منها متذوق الشعر وغيره

تشرفت بالاطلاع والتصفح وتقبل مني اجزل التقدير والاحترام

سلط على الدخان محسن شرابه=لو كان فيه يكثرون العذاريب


ابو خالد صح لسانك وصح لسان ابو هلال
مساجله جميله صح الله اسنتكم

حميدان العوفي
مضحي ابن جمران
الحب الباقي
عبدالله الفريدي
سعد المحمدي
ابشركم ولا الماخوذ وانا اشكركم فرائكم يهمني واطرائكم فخر لي يا اصحاب المعرفه

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\